لقاء كـ،ـ،ـ،ـارثي

بعت وكيل النيابه رجالته يجيبوه من المخزن و رجالتها راحت معاهم و اخيراً بعد وقت طويل جه هاني و انكر كل حاجه و لما اتواجه بالتسجيلات و الادله قال انه مش هيتكلم غير في حضور المحامي طبعا اكتر من شاهد وقف مع مريم خوف منها اكيد بس شهادتهم علي هاني في اذيته و بلطجته كانت كافيه.

خرجوا من النيابه مريم كانت تعبانه و حاسه بدوخه فظيعه

نغم…..بصتلها بهدوء اظن انا كده عملت اللي عليا و وفيت بكلامي معنديش غير كام مره بس هاجي فيهم لو تحتاجوني بعد كده مش عايزه اعرفك يا مريم و لا عيزاكي في حياتي انتي في حالك وانا في حالي و ربنا يسامحك علي كل اللي عملتيه فيا و في انغام

مريم….بهدوء تمام يا نغم و انا مش هقرب منك ولا هضايقك بس لازم تعرفي ان اي وقت هتحتاجيني انا جنبك

نغم….مش هحتاجك يا مريم و لا عايزه مساعدتك خلاص خلصت خليكي في حياتي لاني طلعتك من حياتي اللي بينا هيكون النيابه مش اكتر بعد كده خلصت

مريم….بهدوء و هي داخيه جدا تمام يا نغم استاذ احمد خد بالك منها و اسفه بجد لو ضابقتك الفتره اللي فاتت او قولت اي حاجه ملهاش لازمه سامحني

احمد….بهدوء مفيش حاجه و نغم بنتي متقلقيش عليها يلا يا نغم

نغم….يلا

خدها احمد ومشيوا

مريم….تامر الله يخليك انا مش هضايقكم تاني و اطمن والله العظيم ما في مخلوق هيقدر يمش نغم وانا عايشه بس لو اتصلت عليك اطمن عليها رد عليا حتي لو مش هتقولها

تامر….بهدوء تمام انتي كويسه؟

مريم….اه اه انا زي الفل صدعت بس شويه الوقت اخد مسكن روح يلا وراهم و حطوها في عنيكم عشان خاطري

تامر…..مش محتاجه توصيه يا مريم نغم في عنينا من اول ما شوفناها يلا بعد اذنكم

مريم هزت راسها و بصت لامحامي بهدوء

فؤاد…انتي كويسه

مريم…..لا مش كويسه خليني اقعد شويه احد ما يمشوا و خدني علي المستشفي من فضلك

فؤاد…طيب طيب اقعدي

بعد حوالي عشر دقايق خدها و راحت المستشفي مع المحامي و رجالتها اتعلقلها محاليل فيها مسكن قوي وبعد شويه ارتاحت و بقت كويسه و الدكتور قالها انها لازم تسرع اكتر في جلسات الكيماوي
قالتلوا تمام و اتفقوا علي معاد اول جلسه و بعدين روحت

…………………

اليوم كان ماشي هادي جدا كل واحد في دنيته و مشاغله و حياته..

امنيه من كتر ما هي كانت متحمسه و مبسوطه من وقت ما صحيت مع عمرو وهو رايح شغله و هي عماله تشيل في هدومها وكل حاجه عشان تسرع عملية النقل..