لقاء كـ،ـ،ـ،ـارثي
كانت حاسه شويه بتوتر بسيط بس كانت مبسوطه فات حوالي كام دقيقه و سمعت صوت الباب بيخبط قربت بهدوء فتحت وهي مبتسمه
نجود….بضحكه جميله طب اعمل ايه الوقت في نفسي انا جايه و عايزه افضل متخاصمه بس مش قادره تعالي يا جزمه في حضني
ضحكت نعيمه و قربت منها حضنتها اوي و فضلت نجود حضناها
نجود….وحشتيني اوي يا نوني و حشتيني و حشتيني و حشتيني
نعيمه …بضحك ياعمري انتي اللي وحشتيني اوي
طبطبت نجود علي ضهرها و هي ضماها وبعدين بعدت عنها مسكتها من ودنها ضحكت نعيمه
نجود…اعمل فيكي ايه الوقت
نعيمه….بضحك ااااه طب خلتص هصالحك والله
نجود….تصالحيني في عينك ادخليلي بس كده عشان الناس متسمعش صوتنا و امسكي الشوكولاته دي مع انها خساره فيكي المفروض احطلك في العلبه طوب بدل الشيكولاته عشان اكسر راسك بيها
نعيمه….بضحك طب استهدي بالله بس هقولك
نجود…..لا تقوليلي ولا اقولك ده انتي نهارك مش فايت تعالي هنا
نعيمه…..بضحك هو في حد واحشه حد يضربوا
نجود….وهكسر دماغك اللي شبه دماغ الفرده التانيه عندي في البيت ربنا باليني طول عمري بفرده جزمه و صابره و راضيه يقوم لما يخطب يروح لفرده تانيه شبه دماغه
نعيمه….بضحك لا يا اختي ابنك رجله اكبر من رجلي
نجود….حدفتها بمخده وطت نعيمه بسرعه وهي بتضحك انتي بتهزري كمان ليكي عين انا بتكلم علي الجزمه اللي في عقلكم مش رجلكم
نعيمه…..بضحك طب استني بس مش لايق عليكي العنف ده ايه الشياكه دي يا موزه عبايات مفتوحه و چينزات و شغل خليجي
نجود…. بابتسامه ايه رأيك
نعيمه….قمر القالب غالب
نجود….انتي يابت بتلاهيني
نعيمه….بضحك ما انتي اللي بتروحي بسرعه اعملك ايه
نجود….خدي بالك انا بجد مش طيقاكي و مش بهزر مالي انا زعلانه مع فضل و لا مع نفسك ياكش تخبطوا راسكم في راس بعض انا يابت تعامليني المعامله دي انا تسيبيني كده من غير كلام الصبح و رغي بليل و مشاويرنا اقعد زي قرد قطع في البيت مبعملش حاجه غير اني اتخانق مع فضل عشانك
نعيمه….من وراء الكرسي وحشتك صح وحشك الصياعه اكتر ولا انا
نجود…الصياعه طبعاً هو انا بخرج مع حد غيرك
نعيمه…..نهار اسود يعني انا موحشتكيش
نجود….لا موحشتنيش ولا طايقه اشوفك نعيمه بجد انا زعلانه منك والله من غير هزار بقي انا ذنبي ايه
