لقاء كـ،ـ،ـ،ـارثي

ايه…..صعب عليا بجد واضح ان هاني ده كان عاملها غسيل مخ

سلمي….هي كده هتروح معاكم بكره

احمد….المفروض استاذ سامي كلمني و قالي ان فؤاد المحامي بتاعها كلمه و قالوا علي الاتفاق الجديد بينهم و كان بيتأكد مني و قالي بكره هنروح بدري عن المعاد شويه عشان يتفق مع نغم و معر مريم و ياكد عليهم تاني اللي هيتقال

سلمي….خير ان شاء الله

تامر…..طيب انا هقوم بقي عشان مش قادر خالص و عايز الحق انام شويه تصبحو علي خير

الجميع…..وانت من اهل الخير

…………….

عند ليله و عشري..

بصتلوا ليله بصدمه و ابتسمت

ليله…..انت بتهرج الغصمه في ايدها

عشري…..وهو ميت من الضحك اه والله

ليله…..بضحك دي ايه الست دي

عشري….نمره يا ليله قسماً بالله نمره
ست غريبه تركيبه مشوفتهاش في حياتي قويه و تحسيها جبروت و جاحده بس دمها خفيف و طيبه

ليله….بضحك انت معجب بيها اوي كده ليه ده انت ليلتك طين

عشري…..مش بيها بتركيبة شخصيتها والله يا ليله لو شوفتيها هتاخدي نفسس الصدمه و هتحبيها

ليله…..بضحك بجد طلقته

عشري….بضحك بصي انا مش من عادتي في موقف جد اضحك او مبقاش جد بس انا فصلت حقيقي في الاول اتعصبت من الراجل ده و ضربته و لما هي جات قولت بس بيكملوا نمرتهم علينا و شكلهم مصدقوا اننا جينا قولت للشباب اركبوا انتوا علي اساس لو حصل حاجه ياخدوا العربيه بالبنات و يطلعوا جري من المكان و انا هتصرف بس محدش فيهم رضي لما لمحت الجادرات جايه تجري قولت بس لازم اتصرف طلعت السلاح ودي جات بقي من بعيد تزعق في الناس وسعوا وسعوا لما عرفت ان هي دي مريم قولت بس في شويه شر حلوين بس لما جوزها ده قال علي نغم شمال لاقتها اتحولت فجأه كلتوا قلم غسلني من جوه

ليله….بضحك شمال في عينه البت غلبانه و جميله والله

عشري…خدي بالك انا فكرت القلم نمره برضوا

ليله…..نمره و يوافق كده عادي

عشري…ماهو مش راجل اصلا فا عادي المهم لما رجالتها مسكوه قفشتوا هي من هدومه و روقت عليه و لاقتها بتقوله انت طالق بالتلاته انا هنا مقدرتش امسك نفسي

ضحكت ليله من قلبها علي ضحكة عشري

عشري….والله يا ليله انا حسيت ان في حد اداني علي راسي ضحك تاني و مات من الضحك تاني شوفتي زمان لما كنا بنقفل الكبيوتر الصوت اللي كان بيعملوا

ضحكت ليله و سندت علي المخده