لقاء كـ،ـ،ـ،ـارثي

ليله…ربنا يشفيها يارب

عشري….يارب

ليله….بس خير يا بلطجي شكلك عينك زاغت

عشري….بضحك والله ابداً هي الصراحه حلوه مقدرش انكر

ليله…اااااه وايه كمان قول شكل اسم مريم ده هيلازمني في حياتي

عشري….بضحك لا الله بخليكي بلاش انتي بالذات اسم مريم مش بيجي معاكي هي والله لفتت نظري طريقتها مش اكتر ست غريبه والله

ليله…..بضحك انا سلامه اللي مموتني من الضحك من اللي بيكتبه عالشات هو و حسان

عشري…..بضحك شوفتهم اهو سلامه لو كان معايا انهارده كانت هتبقي فقره بجد والله

ليله….ده لما يعرف بس ان العصمه في ايدها هيموت

عشري….بضحك اه والله العظيم

لفت نفسها و نامت علي رجله

عشري….ايه دماغك تقلت من السمك ولا ايه

ليله…. بابتسامه لا مش اوي صحيح انت عملت ايه في الصداع

عشري….بضحك راح بعد الفقره اللي كنت فيها انهارده دي

ابتسمت ورجعت نامت تاني

………………..

في صباح يوم جديد

صحيت نعيمه علي الساعه 11 ونص ظبطت البيت و نضفت وروقت و عطرت البيت كله و بعدين راحت تجهز فطار حلو ليها هي و نجود كانت مستنياها طلعت صنيه خشب مربعه ملهاش حواف رصت عليها الجبن بشكل حلو اوي و كانت مهتمه بالتفاصيل و التزيين مش عشان تبهرها لكن عشان كانت بتعمل ده بحب بجد جهزت كل حاجه و بعدين راحت خدت شاور سريع و غيرت هدومها لبست بچامه نص كم و شكلها كان حلو اوي و هادي علي الساعه واحده الا ربع اتصلت عليها

نعيمه….الووو

نجود….ايوه يا قلبي

نعيمه….صباح الخير

نجود….صباح الفل

نعيمه…..ايه اوعي تقولي غيرتي رأيك اتاخرتي ليه

نجود….انا في الطريق اهو بس كنت مستنيه السواق

نعيمه…..ماشي يا قلبي قدامك كتير

نجود….لا ربت ساعه بالكتير ان شاء الله

نعيمه…..تمام علي مهلك

نجود….عايزه اي حاجه اجيبهالك

نعيمه…..عايزه سلامتك يا جوجو يلا مستنياكي

نجود….ماشي يا روحي باي

نعيمه….باي

قفلت نعيمه و اتصلت علي نادر تطمن عليه….

نعيمه….الووو

نادر…..ايه يا نعيمه

نعيمه….نعيمه في عينك ادام قولت نعيمه تبقي مضايق

نادر…..بابتيامه سيبني احسن انا مش مضايق انا هتشل

نعيمه….بعد الشر عليك في ايه

نادر…..المفتاح بتاع العربيه اتكسر جوه الباب و مش عارف اخرجه و لا عارف اعمل ايه

نعيمه…..طيب انت فين

نادر…..في الشارع

نعيمه…..طيب مش قريب من اي حد بتات مفاتيح او ميكانيكي او اي حد يساعدك