لقاء كـ.ـارثي

سلمي….. بابتسامه ايه كمان بتحبك بجد و زي ما قولت هي فعلا بتنسي انك مش ابوها او اننا مش اخواتها اوقات بحس ان ربنا بيسحب منها الذاكره في النقطه دي بالذات حقيقي هي بتتعامل معانا علي اننا عيلتها انا كمان بنسي انها بنت خالتي طول عمري بتعامل معاها علي انها اختي الصغيره اللي بخاف عليها و بحبها و مش عارفه لو مكانتش ايه في حياتي شكل حياتنا كان هيبقي عامل ازاي

احمد….بابتسامه كئيب و مفيهوش روح صدقيني يا سلمي الامومه او الابوه مش بس بالخلفه دي مشاعر ربنا بيزرعها جواكي غصب عنك و بالمناسبه انا مجاش فرصه اتكلم معاكي بخصوص هنا انا بجد فخور بيكي اوي علي موقفك مع حسان و مامت هنا موقفك ده اثبت انك جدعه بجد يا سلمي و هتبقي ام تجنن يمكن انتي فاكره اول كلام بينا عن حسان لما قولتلك اني معنديش مشكله او مانع معاه بس فكري و قولتلك ساعتها اني خايف متقدريش
تتحملي وضع حسان و ان علاقته بطليقته ممكن تأثر عليكي لانك ست في النهايه هتغيري هتضايقي و ده حقك بس كمان لو انتي ست عاقله هتقدري انك تتحكمي في غيرتك خصوصا لو مكانتش في محلها و موقفك مع هنا و مامتها و مع حسان اكدلي انك ذكيه و هتقدري تحركي بيتك بعقل و حكمه و هتقدري الموقف اللي انتي اختارتيه بإرادتك

و يمكن الطفل بيحس اكتر من الشخص الكبير و هنا لو مش حاسه انك بتحبيها بجد مكانتش هتفضل معاكي لحظه او تنام في حضنك او تقولك انا عايزه افضل معاكي علي طول

سلمي….بضحك تعرف اني كدبت علي حسان كان بيسألني الوقت هنا مش بتسأل عليا او علي مامتها مرضتش اقولوا الكلام ده عشان ميزعلش منها قولتلوا هي مش بتسأل عشان هي مبسوطه لكن اكيد بتجيب سيرتكم

احمد….بابتسامه هي اتعلقت بيكي و بينا و ده في مصلحتك انتي و حسان هو هيعيش مرتاح و مطمن ان بنته في امان معاكي مش مع مرات اب يخاف منها و كمان انتي هتبقي مرتاحه عشان هتقدري تبعدي عنك اي شك او شعور بالغيره و عايز اقولك كمان ان مامت هنا لو خايفه منك او مش حباكي مش هتديكي بنتها بسهوله كده و دي حاجه لازم تاخديها بعين الاعتبار ان الست دي مش موجوده في حياة حسان غير عشان بنتها وبس يعني اطمني و ريحي قلبك و ابعدي عن عقلك اي تفكير مش حلو ممكن يبوظ حياتك فاهمه يا سلمي

سلمي…..بابتسامه فاهمه يا حبيبي