لقاء كـ.ـارثي

ليله……متقوليش اي حاجه و افتكري ان طاقتك هفضل حلوه كده طول ما انتي مسيطره اول بأول

ريهام….مسيطره متقلقيش

ليله…..يا وااااد انت يا مسيطر ماشي يا ستي يلا انا هقوم بقي عشان عندي مشاوير قد كده قولت بس اجي اطمن عليكي

ريهام….بابتسامه طب ليله اخر سؤال

ليله…..اسألي

ريهام….اااا بصي انا عارفه اني لسه يادوب بقول يا هادي واكيد مينفعش اخد اجازه بس يعني هو ينفع يوم الافتتاح بتاع مصطفي امشي علي الساعه سبعه كده عشان اروح و ابقي معاه

ليله…..بابتسامه عايزه تروحي لاخوكي في اول افتتاح مشروع في حياته الساعه سبعه يا اللي معندكيش دم انتي اجازه اليوم ده عشان تظبطي نفسك و تبقي مع اخوكي

ريهام…. بابتسامه ااا طيب و المكان

ليله…..ملكيش دعوه انا قولتلك قبل كده لو ادارتك للمكان كويسه و اول باول مركزه في كل حاجه مش شرط تيجي اليوم كله من اوله لاخره عموما انا هاجي اليوم ده علي الضهر كده اقعد كام ساعه هسيبهم انا علي سبعه و بعدين هاجي لمصطفي و هرجع تاني بليل اشوف الدنيا فيها ايه

ريهام….. بابتسامه و الله ما عارفه اقولك ايه بجد يا ليله

ليله…..ولا حاجه فكري يا اختي هتلبسي ايه يوم الافتتاح

ريهام….بضحك ماشي يا احلي لولي في الدنيا

ليله…. بابتسامه يلا انا همشي محتاجه حاجه

ريهام….سلامتك يارب يا احلي عروسه باي

ليله…..باي يا قلبي

نزلت ليله و خرجت من المكان لمحت عربيه ريهام زي ما هي مصممه تفضل وراها ابتسمت بهدوء.

ليله……تمو,تي في فرط الحركه بس علي مين ده انتي جيتي للمجري اللي مش بيقد علي حيله لحظه اااااه استعني علي الشقاء بالله ورايااااا

……………….

سليم….طيب انتي لو تعبتي ريحي شويه لازم تفصلي عشان تفهمي

نسمه….مش هينفع يا سليم لازم اخلص الماده انهارده

سليم….طيب ما انتي بتقولي مخنوقه و مش قادره تستوعبي الماده و حاسه انك نسيتي كل حاجه لازم تاخدي بريك عشان تفصلي انتي متخيله وانتي في الوضع ده لو فضلتي قاعده قدام الكتاب هتفهمي حاجه

نسمه…..طيب اعمل ايه طيب

سليم…..تسمعي مني ولا هتكلم علي الفاضي

نسمه…انا فهماك والله بس الوقت اللي هيضيع مش هقدر اعوضه

سليم…..انتي ممكن في ساعتين تلاته ترجعي تمسكي الدنيا تاني و تقفلي الماده و بكره تمسكي ماده غيرها تقفليها بس كمان لو فضلتي قاعده و متخيله انك هتقدري تحصلي حاجه وانتي كده مش هتعرفب و هتبقي بتضيعي وقت