لقاء كـ.ـارثي

نسمه….طيب اعمل ايه

سليم……هتسمعي الكلام

نسمه….ايوه

سليم…..هتقومي الوقت تاخدي شاور دافي و بعدين تخرجي تصلي ركعتين و بعد كده لو مش جعانه اعملي اي حاجه بتحبي تشربيها و هاتي اي حاجه بتحبي تشوفيها كوميدي افصلي بيها لو متابعه اي مسلسل اتفرجي علي حلقه منه

نسمه….بابتسامه كمان عايزيني اتفرج علي حاجه

سليم….هو انتي مش خدتي رأيي تنفذي بقي لازم تفصلي باي حاجه بتحبيها عشان تقدري ترجعي طاقتك تاني و تعرفي تذاكري

نسمه….طيب هعمل كده

سليم…..انتي قولتي ان ماما كمان مش موجوده ؟

نسمه….ايوه لسه نازله هي و بابا من خمس دقايق راحوا عند حماده و زوزو هيقعدوا معاهم شويه

سليم….طيب و نادر مش موجود

نسمه….لا في شغلوا

سليم….طيب عيشي بقي براحتك افصلي في الهدوء ده و صدقيني والله هتفكي الوقت خالص

نسمه….طيب هعمل كده هقوم الاول اخد شاور

سليم….تمام بس اوعي تقفلي عليكي و خلصي و اتصلي عليا علي طول عشان اطمن عليكي

نسمه….اوك

سليم…..انتي كلتب صحيح ولا لا

نسمه…..مامت عملت الاكل قبل ما تمشي بس مكلتش لا مليش نفس

سليم…..اممم طيب روحي الاول خدي الشاور و بعدين نشوف موضوع الاكل ده اوك

نسمه…..اوك هو انت فين صحيح

سليم…. بابتسامه في الشغل اكيد

نسمه….طيب تمام هخلص واتصل عليك

سليم….ماشي يلا باي يا قمر

نسمه……بأبتسامه باي

ققل سليم معاها و فضل ساكت شويه كأنه بيفكر و بعدين عمل كام مكالمه و فضل مشغول مع الموبايل شويه و بعدين راح يشوف شغلوا لحد ما تخلص.

بعد حوالي نص ساعه اتصلت عليه.

سليم……الووو

نسمه…. ايوه يا سليم انا خلصت خلاص شاور هصلي بس

سليم….تمام صلي بقي و شغلي اي حاجه بتحبيها و اتفرجي عليها

نسمه…..تمام

سليم…..يلا روحي و لو احتاجتي تكلميني انا موجود

نسمه….اوك يا سليم يلا باي

سليم…..باي

راحت نسمه صلت و بعدين رجعت قلبت في التلفزيون شويه ملاقتش حاجه عجباها شغلت الموبايل فضلت تتفرج علي فيلم اندمجت معاه شويه و بعدين سمعت الباب بيخبط قامت بهدوء بصت من العين السحريه كان في شاب واقف فتحت بهدوء

نسمه….ايوه

الشاب…..مساء الخير يا افندم معايا اوردر باسم استاذه نسمه

نسمه….بصت علي الشنطه كان واضح انه اكل ايوه بس انا مطلبتش اكل اكيد في حاجه غلط

الشاب…..لا خالص مش ده العنوان و دي الشقه