لقاء كـ.ـارثي

كل الحجات دي حطتها في دماغي و قولتولا في حاجه غلط بس بعد كلامك ده نعيمه تفسيرها الوحيد هو اللي قولتوا خصوصا انها قالتلي انهارده الصبح حاجه غريبه طلبت مني اجيب نجار عشان بزود ترابيس للباب مع ان في تلاته نعيمه يا امينه مكانتش بتحس بالامان غير وانا معاها كانت بتدخل تنام و هي عارفه اني هقفل الباب و هأمن علي كل حاجه بنفسي عارفه انها مطمنه بوجودي خدي بالك يا امنيه انا ممكن اصغر عقلي مع نعيمه و اتلكك
بكلامها اللي قالتوا اني مش جدعه او بعمل جدعه و الكلام الاهبل ده يمكن ضايقني لان انا اكتر حاجه بكرهها ان حد يظلمني او يقول عني حاجه مش فيا و هي حسستني اني حابه اخد لقطه جدعنه مع سلمي مع اني والله العظيم كنت حابه بس اشيل عنها يوم خصوصا ان اختك قالتلها سيبيلي هنا و انا بصراحه خوفت توافق لان هنا مع ايمي بوضعها ده و مكانش في چوي لسه مش هيبقي الوضع حلو هي طفله في النهايه و ايمي غصب عنها هتتشغل بيها و انا مش عايزه ايمي تتعب خالص فا قولتلها هاخدها و اضايقت من كلام نعيمه مصغرتش عقلي ليه بقي و انتي عارفه ان لساني طويل و كان ممكن اسمعها كلمتين يوجعوها بجد لاني بحبها و بحبها اوي و هقولك علي حاجه كمان رغم ان معاكي حق في كل اللي قولتيه و حقك تزعلي و تاخدي علي خاطرك منها بس مش هكدب عليكي انا اضايقت مش منك بس انا مبعرفش اسكت لو حد قال كلمه عن البنات بس انا عشان عرفاكي سكت و كمان عشان هي غلطت فا مش قادره ادافع عنها لان وقتها هبقي بتطبلها في الغلط بس اضايقت لاني محبش ان اي حد يشوف واحده من البنات بصوره مش حلوه لما ابمي كلمتني وانا مع عشري امبارح علي السخان و هي كلمتني قبلك عشري كان سامع بس مش فاهم و لما سألني قولتلوا ملكش دعوه و متدخلش و انتوا عارفين عشري عندي ايه بس مهما كان هو ايه عندي مقدرش ادخلوا في حاجه بيني و بين البنات لاني محبش اخليه يشوفها بشكل مش حلو

اللي منعني كمان اني ازعل نعيمه و اطلع فيها ان هي ليها رصيد كبير عندي اوي غير رصيد حبي ليها رصيد حبها ليا اللي انا واثقه فيه و جداً جايز اختلف معاها في طريقتها وكلامها و الدبش اللي بيطلع منها بس مستحيل اختلف معاها او اشك في حبها ليا يوم ما اختفيت يا امنيه و سافرت رساله نعيمه ليا و هي بتعيط زي العياا الصغيره و هي قاعده في البيت لوحدها من غيري كانت طالعه من قلبها عصبيتها علي الكل قبل ما امشي لما عرفت اللي حصل كانت طالعه من قلبها لا اعتمدت كبير ولا صغير من الشباب