لقاء كـ.ـارثي

حسان…..طيب و مامتها بجد مش بتجيب سيرتها

سلمي….لا حرام بتتكلم عنها وعن شادي و عن داليدا اللي نفسها تيجي و تشوفها بس هي مش بتطلب تروح

حسان….بضحك البت نسيتنا

سلمي……يمكن عشان مش بتخرج كتبر ويمكن عشان ميلو و لعب ايه معاها و امبارح خرجت مع ليله وعشري فا حاسه ان في تغيير جديد عليها لكن اكيد متستغناش عنك انت وعلا

حسان…..دافعي عليها اوي ماشي يا ستي لما اشوفها

سلمي…..صحيح طمني علي علا انا بجد عابزه اتصل اطمن عليها بس عارفه ان شادي ملخوم معاها و بصراحه مش حابه ازعجه

حسان…..احسن شويه عن الاول بس شادي بيقولي الدكتور مش هيخرجها غير بعد كام يوم عشان تفضل تحت الملاحظه و ميحصلهاش مضاعفات تاني

سلمي….طيب هي فايقه و كويسه ولا تعبانه خالص

حسان…..هي خرجت من الرعايه لما فاقت و بقت احسن طبعاً الجر,ح و الد,م اللي فقدته مأثرين علي صحتها بس فايقه الحمد لله و بتتكلم معاهم

سلمي…..الحمد لله هي مامتها عرفت

حسان…..لا محدش قالها تقريباً

سلمي….احسن عشان متقلقش و بعدين مش هتعملها حاجه و هي بعيد كده غير انها هتفضل متوتره

حسان….ما انا قولت لشادي بما انها سافرت خلاص محدش يعرفها اي حاجه و ربنا يسهل بقي

سلمي….ان شاء الله علي بال ما ترجع تكون علا اتحسنت و خرجت

حسان……ان شاء الله

سلمي….طيب البيبي كويسه

حسان…..لسه في الحضانه بس شادي قالي بردوا انها بتتحسن

سلمي…..طيب الحمد لله ان شاء الله هي فتره صعبه و هتعدي علي خير

حسان….يارب المهم هتعملي ايه انهارده

سلمي…..ولا حاجه هنزل علي اربعه كده هروح العياده و هرجع

حسان……طيب هتعملي ايه في هنا ايه رأيك اجي اخدها تقضي الكام ساعه دول معايا و بليل لما ترجعي اجيبهالك

سلمي….تاخدها فين في الجو ده يا حسان و البهدله اللي انت فيها لا هتعرف تقعد جوه ولا في الجنينه بره و هتزهق و بعدين ايه من وقت ما صحيت و هي بتتحايل عليا تاخدها معاها و انا مش راضيه

حسان….تاخدها فين المحل

سلمي….اه بتقولي معنديش غير تلات كلاب صغيرين خليها تيجي معايا و بعدين هروح انا وهي نقعد مع ايمي شويه و نطمن عليها لحد ما ترجعي

حسان….طيب حلو ده لو ايه هتعرف تشتغل منها تاخدها

سلمي…..انت بتهرج صح

حسان….لا والله لو ايه هينفع معاها يعني بيتهيألي هنا هتتبسط المهم متخليهاش تقرب من الكلاب احسن تعضها