لقاء كـ.ـارثي

عسال…..ايوه يا حبيبي

نادين….انا خرجت خلاص من المخزن

عسال……تمام رايحه فين الوقت عند ايمي

نادين…..لا انا لسه عندي شغل هبقي اعدي علي ايمي بليل مش الوقت انت فين في المعرض لسه

عسال……لا انا لسه مروحتش

نادين…..مش انت قولت هتروح المعرض بعد ما نزلنا

عسال……وانا في الطريق تامر كلمني قالي في اتنين من صحابه هيروحوا علي الشقه عايزين يرفعوا مقاسات تاني و يأكدوا علي المقاسات اللي هو خدها لما كان معانا و بس لسه نازل و هر ح علي مصطفي الاول عشان كان عايزني و بعدين هطلع علي المعرض

نادين….طيب تمام يا حبيبي انا هخلص شغل زي ما قولتلك و بعدين هروح اعدي علي ريهام شويه قبل ما اطلع علي ايمي

عسال…..تمام يا روحي خلي بالك من نفسك بس و ابقي كلميني

نادين…..حاضر و انت كمان

عسال….ماشي يا عمري

نادين….ميدو

عسال….عيون ميدو

نادين….لسه زعلان مني

عسال…. بابتسامه مقدرش

نادين….انا بحبك اوي

عساا…..وانا بحبك اوي اوي

نادين….بأبتسامه ماشي يلا شويه و هتصل عليك

عسال….تمام يا عمري باي

نادين….باي

قفلت نادين و اتصلت علي ليله كانت ليله في طريقها لريهام و حالفه تخلي مريم تلف وراها الكره الارضيه انهارده.

ليله……هادي نودي

نادين….هاي لولي

ليله…..اتصلت عليكي يا جزمه لما صحيت مردتيش و اتصلت تاني من شويه كنتب غير متاح قولت اكيد لسه في المخزن

نادين…..حصل حقك عليا لما اتصلتي و رن كنت بفطر انا و ميدو و مسمعتش الموبايل كان في الاوضه و قولت هتصل عليكي لما انزل واسيبوا بس والله نسيت و روحت المخزن انتي عارفه ان مفيش شيكه هناك

ليله…..الله الله طيب حلو ادام فيها فطار يبقي اعتبري انك رديتي عليا انا كنت بتصل اطمن عليكي انتي و هو واشوفك رديتي علي الغلبان ولا لسه راكبه دماغك بس واضح انكم اتصالحتوا

نادين….بضحك اه اتصالحنا هو جالي الصبح و اتكلمنا و اتصالحنا خلاص

ليله…..طيب يا قلبي الحمد لله متزعليش ميدو تاني يا رخمه الواد بيحبك

نادين….. بابتسامه ماشي مش هزعلوا المهم انتي شكلك مشيتي من عند ايمي

ليله….اه مشيت و رايحه علي ريهام داخله عليها خلاص ليه انتي رايحه لايمي

نادين….امممم لا انا كنت هروحلها اخر النهار لما اخلص بس قولت اتصل عليكي يعني لو لسه هناك كنت هاجي اشوفك بس خلاص اروح بليل بقي