لقاء كـ.ـارثي

نعيمه…..يعني مش هتتغدي معانا كمان

فضل….لا ممكن لو عرفت اخلع شويه هاجي اتغدي معاكم و همشي تاني و بعدين انا معاكي علي طول خليكي اقعدي انتي معاهم و اتبسطي واصلا لما تروحي ولا هتسألي في اهلي و هتتشغلي معاهم

نعيمه….طيب خد بالك بقي هنقطع في فروتك

فضل….بضحك لا من غير ما تقولي واثق لا انتي هترحميني ولا نجود

نعيمه…..بضحك كويس انك عارف

فضل…..وريني ايدك صحيح عامله ايه

نعيمه….اهي لسه باينه

فضل….طب والله احسن من الاول و بعدين انتي لسه بقالك كام يوم بس بتحطي من الكريم يعني اسبوع ولا عشر ايام كمان هتختفي كتير

نعيمه….علي فكره مكتوب في الورقه اللي في العلبه انه مش بيخفي الاثر ميه في الميه

فضل….ماهو طبيعي يا قلبي مفيش كريم بيخفي الاثر ميه في الميه بس بيخفيه بنسبه كبيره و عموما هي من الوقت اصلا مبقتش باينه اوي عارفه عامله زي ايه كأنك في الصيف و لون ايدك غير شويه يعني اللي يشوف كفك ميقولش ان ده حر,ق

نعيمه……اه ما هي ليله بتقولي كده عموما انا بدأت اتأقلم مع شكلها خلاص

فضل……علي فكره يا نعيمه عايز اقولك حاجه تعرفي اني مش بضايق خالص من اي علامه بتحصل في جسمي بسبب حر,ق او جر,ح

نعيمه….يعني ايه مش بتضايق هو في حد في الدنيا يحب ان جسمه يبقي متشوه

فضل…..اكيد مش كده بس انا عندي رأي مختلف جايز ممكن يكون غريب لاي حد غيري بس انا مقتنع بيه

نعيمه….ايه هو بقي يمكن اقتنع هتقولي الرضا طبعاً هو عموما الحكد لاه انا مش معترضه بس يعني انا بنت و اكيد هضايق لو جسمي في تشوهات او علامات

فضل….لا خالص مش الرضا هو الرضا ده امر مفروغ منه بس انا بشوف ان اي جر,ح او علامه بتبقي ليها قصه يعني مثلا انتي شوفتي الجر,ح اللي في كتفي صح

نعيمه….اه شوفتوا

فضل….اهو ده كان بسبب اول عربيه قررت اني اصنعها بأيدي و اجمعها من عربيات كتير ملهاش علاقه ببعض و عملت عربيه كانت حلم ليا اول ما ركبت عربيات اصلا يوم ما خلصتها كنت طاير من الفرحه و كنت بركب فيها اخر جزء و مستني بقي اجرب اشغلها و ايدي كانت علي قلبي كنت خايف متشتغلش بعد الوقت اللي قضيتوا فيها ده كله حوالي سنه بالظبط فا كنت متوتر تعبي ده كله يروح علي الفاضي و بمجرد ما جربتها و اشتغلت نزلت منها وانا بتنطتط و بجري و هووووب ايدي جات علي حديده مكنتش شايفها جابت كتفي من اوله و اتخيطت يومها حاجه و عشرين غرزه تقريباً بس يومها مكنتش مضايق ولا زعلت من العلامه اللي سابت اثر لاني كل ما اشوفها افتكر قصه نجاح و تعب سنه بحاله و انا بعمل عربيه احلامي فا لما بشوف الجر,ح ده مش بزعل كمان في مره كنت بتكلم مع امي زمان و كانت بتتكلم علي ان الام بتتعب و بتتبهدل في تربيه ولادها فا كانت بتفرجني صورها وهي صغيره و امي كانت جميله اوي يا نعيمه فا قولتلها مش بتزعلي لما تشوفي صورك قالتلي لا طبعاً جابز شكل جسمي اتغير و جايز الحمل و الولاده بوظوا شويه شكل جسمي بس عمري ما زعلت كل جر,ح او كل علامه في جسمي بسبب الحمل لما بشوفها بتبسط لان مع كل مره كانت العلامات بتزيد في بطني كنت بجيب واحد فيكم انت واخواتك فا اللي عايز اقولوا ان في علامات و جر,وح بيبقي ليها قصص و حجات حلوه و حتي الوحش فيها بردوا مع الوقت بتتعلمي منه حاجه