لقاء كـ.ـارثي

ليله…..بهدوء لا مش غلطانه نعيمه ليها روقه معايا بس حظها اني بجد مش فاضيه الفتره دي خالص بس افضي و انا هتكلم معاها

امنيه……عارف يا ليله المشكله في ايه ان بجد نوجا و انكل عادل و نسمه و نادر بجد ذوق جداً و مختلفين عنها يا شيخه انا اوقات بحس والله ان هي اللي كانت سبب المشاكل لان طبعها مختلف عنهم

ايمي…..لا مش للدرجادي انتي عارفه ان نوجا و دولا كانوا علي طول بيتخانقوا علي اسباب تافهه و هي عشان كده سابتهم

امنيه….اديكي قولتي اسباب تافهه هما نفسهم معترفين انها اسباب تافهه و بعدين مفيش بيت مفيهوش مشاكل بابا و ماما بيحبوا بعض و بردوا اوقات كان بيحصل بينهم مشاكل و بيتناقروا و بيقفشوا لبعض علي حجات هبله كل بيت في مشاكل يا ايمي اشمعني مثلا نادر و نسمه معملوش زيها و كبروا دماغهم من المشاكل و سابوا البيت هما كمان

ايمي…..نادر و نسمه اصغر منها و اكيد محدش هيوافق انهم يمشوا

امنيه…..مش بالسن يا ايمي و لو بالسن كانوا استغلوا الموقف و مشيوا وقالوا اذا كانت الكبيره مشيت يبقي عادي لما نعمل زيها خصوصا نادر لانه شاب و دماغ الشباب مختلفه عن البنات و اغلب الشباب الوقت لما بيكبروا شويه بيستقلوا بحياتهم حتي لو مفيش مشاكل في بيوتهم بس هما معملوش زيها لانهم مختلفين عنها و خدي بالك رغن ان انكل عادل بيحبها جدا بس زعلان منها و موضوع انها مش عايشه معاهم مأثر عليه هو و نوجا و انتي عارفه ده كويس

ايمي….طيب احنا ملناش علاقه هما حرين مع بعض و اقفلي بقي الموضوع ده خالص

ليله….بهدوء بصي يا امنيه سيبك من كل الكلام ده المهم الوقت اني مش عيزاكي تزعلي نرجع و نقول بردوا ان نعيمه مش وحشه نعيمه يمكن تصرفاتها بتتحسب عليها لسانها موديها في داهيه ليها غلطات كتير بس هي طيبه و صاحبك علي عيبه اه انا هتكلم معاها و مش بطبلها صدقيني انتي عارفه اني صريحه و مليش في التطبيل هي غلطانه في كل اللي قالته ليكي او لايمي بس انا مش عايزه اتكلم معاها الوقت خالص لاني مش عايزه ازعل منها او اسيبها زعلانه مني قبل ما اتجوز لان انا شاكه بنسبه كبيره 90 في الميه ان مكانتش ميه في الميه ان نعيمه متأثره بجوازي و اني هسيبها و عشان كده بتحاول تخلق اي موقف او اي مشكله معايا او مع اي حد عشان تطلع غضبها ده