لقاء كـ.ـارثي

ليله……بابتيامه اعمل ايه مبعرفش اكمل يومي غير بيها

خدت ريهام ازازه مايه من الثلاثجه الصغيره اللي في المكتب و كوبايه نضيفه و قربت منها تحطلها خدتها منها ليله و شربت و بعدين ولعت سيجاره

ليله……ها طمنيني بقي اخبار الشغل معاكي ابه في حاجه واقفه

ريهام…..هو لحد الوقت الحمد لله كله تمام مفيش اي حاجه واقفه خالص قدامي مش عارفه بقي هو الشغل سهل ولا لسه الصعب لسه مجاش

ليله…..بصي يا ريهام اي شغل في الدنيا في الصعب و في السهل يعني مفيش حاجه اسمها شغل سهل الشغل اللي فيه موظفين كتير تحت ايدك محتاج نظام ترتيب اهتمام ملاحظات مش سهل خالص بس كمان مش صعب لدرجه انك متقدريش تسيطري عليه عشان تخلي ديما الشغل بالنسبالك سهل و بسيط ديماً تركزي علي ادق التفاصيل بمعني ايه بمعني ان اول باول تلاحظي اي خلل حتي لو بسيط و تعالجيه فوراً انتي هنا شغاله في مطعم المطعم محتاج منك ايه اداره كويسه و الاداره دي مش فلوس بس بتركزي عليها لا خالص لازم يكون عندك سرعه بديهه تلاحي الصغيره قبل الكبيره يعني ديما عينك علي الموظفين تتابعيهم تشوفي بيشتغلوا ولا مقصرين لازم يكون في بينك و بينهم ود و معامله طيبه لكن بعقل بمعني ايه وقت الجد تكوني شديده لان اي موظف في الدنيا حتي لو كان شاطر و مجتهد كتر الدلع او الطيبه بتخليه غصب عنه يتكاسل و يبدأ يهمل في شغلوا و وقتها الكل هيقلدوا و من هنا بيبدأ المشروع ينهار و يخسر فا انتي ديماً اول حاجه عينك عليها الموظفين تاني حاجه المكان لازم تراقبيه تشوفي منظم مرتب نضيف و حطي تحت نضيف دي الف خط لان تاني هقولك انتي بتشتغلي في مطعم و المطعم يعني نضافه مفيش جيست بيروح مكان ديماً الا لو واثق في نضافته فا مراقبتك لنضافه المكان و المطبخ و الادوات كلها تبقي نضيفه الترابيزات تامني عليها ديماً الكوبايات الاطباق الشوك المعالق ديما تكون بتلمع الارضيات ميبقاش في تراب تفاصيل بسيطه يا ريهام بتخلي المكان ديماً ناجح كمان تراقبي ديما علاقه الموظفين ببعض تشوفي في بينتهم مشاكل شد عصبيه تحاولي تلحقي اي موقف قبل ما يكبر كمان تشجيعك للشيفات يعني من وقت للتاني هنا بيخترعوا اطباق جديده مشاريب و مش بتنزل المنيو غير اما يتوافق غليها من اللي موجود في المكتب ده و بما انك انتي اللي في المكتب الوقت فا موافقتك هي الاساس و طبعاً انتي ماشاء الله عليكي شاطره في المطبخ حنون شاطره جداً مصطفي ماشاء الله عليه محترف اخواتك شغالين في نفس المجال يعني دي مش حاجه صعبه عليكي بس كده طول ما كل الحجات دي انتي ديماً مسكاها بايدك هيفضل الشغل بالنسبه ليكي سهل هيبقي صعب امته لو مركزتيش في النضافه مع الموظفين مع المكان غير كده مفيش صعوبه.