لقاء كـ.ـارثي

امنيه….. ايوه يا ليله بس ده مش سبب

ليله……صدقيني يا امنيه انا عارفه نعيمه سؤالها ليكي بعد ما قالتلك اللي ضايقك انتي زعلتي هي كانت عيزاكي تقولي اه و تنشكك و تنكشيها عشان تعمل موقف تخرج طاقتها فيه طبعاً ده مش تبرير هي غلط بكل المقاييس غلط انا مش بحاول الاقيلها سبب او عذر بس انا عارفه صحابي كويس كلهم حفظاهم اكتر من نفسي نعيمه طيبه و جدعه و بتحاول الفتره دي تعمل حاجه انا مستغرباها في شخصيتها انها تلفت النظر عارفه انتي نظام خالف تعرف

عارفه الطفل الصغير اللي ممكن يغلط عشان يلفت نظر اللي حواليه ده اللي نعيمه بتحاول تعملوا الوقت

نعيمه بتتعامل معايا علي اني امها انا عايشه معاها يا امنيه صاحبه ناميه واكله شاربه يومي كله معاها حتي وانا في شغلي و هي في شغلها اوقات تتصل بيا تقولي مسألتيش عليا ليه و بتبقي بتتكلم جد لانها متعوده اني بتصل بيها و لو اتشغلت عنها شويه بتحس ان ناقصها حاجه و رغم ان هي هتتجوز بعدي بفتره مش طويله بس بُعدي عنها مأثر فيها
وانا واثقه حاولت تنكشك بس انتي عشان عاقله مدتيهاش فرصه و حاولت تنكش ايمي من ناحيتك عشان تنكشك و تعمل حوار حاولت تنكش سلمي و بردوا سلمي عدتها و حاولت تنكشني هي بتحاول تلفت النظر اللي بيبقي جواه خنقه من حاجه معينه بيحاول يعمل اي حاجه حتي لو هيخلق مشكله عشان بطلع فيها غضبه ..

نعيمه يمكن مدب طول عمرها لكن عمرها محاولت توقع اتنين في بعض جايز تدخل في اي مشكله و تقول كلمه تسخن بيها الدنيا بس مبتبقاش قاصده زي ما عملت وقت مشكلتي كده كلامها كان ممكن يسخن البنات علي الشباب بس هي مش قاصده هي بتدافع عني و موجوعه عشانب فا مش مستوعبه انها بتبوظ الدنيا

كمان بيتهيألي هي عمرها ما عملت معاكي كده قبل السفريه صح يعني لو نعيمه مثلا وحشه كانت قالتلك من وقت ما عرفت علي موضوع تجميد البويضات ده و قالتلك حتي لو بطريقه انها صعبان عليها ايمي او خايفه عليها فا بتوصيكي عليها و كانت خربت الدنيا بس هي معملتش كده

امنيه….صراحه لا انا استغربت بس طريقتها المرادي اوي

ليله…..حلو يعني تحليلي للموقف بتاعها لحد الوقت صح كمان لما نكشت سلمي و حاولت تضايقها بالكلام و بعدين انا لما كلمتها امبارح و قولتلها خفي علي سلمي بلاش تفضلي تقولي بنت طليقه حسان او طليقه حسان قدام سلمي ردت عليا رد استغربتوا قالتي بصراحه انا مضايقه ان سلمي عملت كده في نفسها انا لو مكانها مش هتجوز واحد مطلق اتصدمت و رفعت ضغطي كنت شايفه واحده غريبه طيب لو انتي بجد شايفه كده يا نعيمه ليه منصحتيش سلمي من الاول بلاش الجوازه دي ليه شجعتيها ليه رأيك اختلف الوقت