لقاء كـ.ـارثي

ايمي…..هي عشان واخده علينا بس يعني عشم و عارفه اننا مش هنزعل من صراحتها

امنيه…..لا معلش مفيش حاجه اسمها عشم انتي اختي اهو و اكيد اقرب ليا من اي حد بس عمري ما هستغل اللي بينا و اتعشم فيكي بزياده لدرجه اني اجر,حك و مفيش حاجه اسمها صراحه انا مشوفتش حد صريح في حياتي زيك انتي و ليله و زوزو ولو مين اللي قدامك عمل غلط بتقولوا الصراحه في وشه من غير تطبيل بس عمري ما شوفت صراحتكم بيبقب فيها كلام جارح

ليله……. بابتسامه بت مالك قلبتي بوتجاز زيها ليها بتسخنيني علي البت يا صفراء بعيد عن اي حاجه دي روحي

امنيه…..لا والله مش بسخنك عليها بس كلامها مش حلو و عملت معايا كذا موقف زعلوني منها

ايمي…..هي امنيه بتحبها علي فكره بس واخده علي خاطرها منها شويه و اشتكيتلي

ليله…..بصي نعيمه انا عارفه ان ليها سقطات و عندها زلات لسان كتير بس صدقيني طيبه و جدعه هي بس تحسيها عامله زي العيال الصغيره مخها علي قدها بتخرج الكلام زي الدبش من غير ما تستوعبوا

امنيه…..بصي يا ليله انا عارفه انك بتحبي نعيمه و حقك تظافعي عنها وانا والله العظيم بحبها اوي و انتي معشرانا و عارفه كويس اني لو مش جاي معايا حد مش بعرف احبه و انا اكيد بحب نعيمه مش بكرهها يعني بس انا يمكن قولتها قبل كده لايمي و قولتهالها تاني من قريب نعيمه رغم اني بحبها و عارفه ان جواها طيب بس مختلفه عنكم

ليله……صدقيني مختلفه بس في الدبش اللي بيطلع من لسانها و بعدين انا عايزه اعرف ايه المواقف الي مزعلاكي منها اوي كده و ليه متكلمتيش معاها بدل ما تبقي شايله منها

امنيه….لا كذا موقف و تحديداً لما كنا في السفريه و احنا مع بعض في الاوضه حصل منها كذا موقف و طريقتها معجبتنيش و انتي عارفه يا ليله ان انا و ايمي و ماما و بابا و محمود تقريبا طريقتنا واحده بنتعامل باللي في قلبنا و بنحب من قلبنا فا بجد اضايقت و علي فكره اللي منعني من الكلام معاها ايمي لما كنا هناك كداشتكيت لايمي و كنت مضايقه اوي و قولتلها اني هقولها عشان مبقاش بتكلم معاها وانا مضايقه منها بس ايمي اللي مرضيتش و قالتلي عشان خاطري انا اسكتي و امسحيها فيا

ليله…..طيب ليه سكتيها ليه مخلتيهاش تتكلم معاها اكيد يعني هما مش اكفال هيقفشوا في بعض انا اتعصبت من نعيمه وقتها سمعتها كلمتين عشان لو سكت هشيل منها ولما روحت بردوا امبارح اتكلمت معاها يعني عادي لازم تتكلم