لقاء كـ.ـارثي

نعيمه……مش يمكن تعجبني حاجه اخدها

نادين…..كل اللي قدامك ده فرز اوردرات مش حاجه زياده تقدري تاخدي منها يعني دي حاجة ناس و لازم تروح بشكل كويس انتي عماله تفكي التطبيق بتاعها

نعيمه….طيب امال فين الزياده

نادين…..جوه مش هفتح انا في وسط شغل الناس لما نخلص او بكره لما نطلع الشغل ده كله ابقي اتفرجي براحتك

نعيمه….ماشي صحيح انتي رايحه لايمي انهارده انا حاسه اني مقصره معاها اوي بصراحه مروحتلهاش غير مره واحده و كمان بنسي اتصل عليها

نادين….طيب و بتنسي ليه انتي حتي لو مس هتعرفي تروحي كلمبها بس اطمني عليها

نعيمه….هعمل كده وللله لان انا الفتره دي احتمال مبقاش فاضيه اوي

نادين….رايحه فين

نعيمه…..مش رايحه في حته بس ممكن فضل بفاجئني بمشاوير زي انهارده عشان البيت و كمان الشغل

نادين……خلاص كلميها اطمني عليها و اقفلي و انتي عارفه ايمي يعني مش هتزعل و بتقدر ظروفنا هي اصلا مش حابه كل شويه نسيب اللي ورانا و نروح بس اهو اتصلي و اسألي

نعيمه…..هعمل كده

نادين….هي لولي رايحه انهارده عندها

نعيمه…..اه المفروض نزلت راحت عليها و بعد كده عندها مشاوير

نادين…..انا لازم اخلص الشغل ده انهارده و احاول بكره اجي معاكي بدري نسلم الشغل ده للمندوبين عشان لازم لازم افضي نفسي لليله شويه بجد انا مضايقه اوي من نفسي عشان سيباها لوحدها تشتري حاجتها

نعيمه….ماهي انبارح مكانتش لوحدها عشري كان معاها

نادين….ايوه بس هو كمان عنده مشاوير و حجات يخلصها و مضغوط يعني مش هيبقي معاها كل يوم و مش عيزاها تزعل او نحس انها لوحدها

نعيمه…..و لا هتزعل ولا حاجه انتي عارفه ان ليله بتحب الشوبينج و ديماً بتنزل لوحدها و هي لو عايزه حد فينا هتقول

نادين……اولاً انتي عارفه ان ليله مش بتطلب من حد اي حاجه و مش لازم تطلب اصلا عشان نبقي معاها ليله مش بتقصر مع حد فينا بصراحه و كمان المرادي مش مجرد شوبينج عادي دي بتجيب لبس و كل حاجة جوازها يعني حتي لو بتعرف تنزل و تشتري لوحدها اكيد المرادي الوضع مختلف جايز تحب تاخد رأينا

متنسيش كمان انها مسابتش ايمي خالص و نزلت جابتلها كل اللبس مينفعش نسيبها لوحدها

نعيمه……والله اللي اعرفوا انها لو محتجاني هتقول هي قالتلي ابقي اروح انا و اي حد فيكم نفرشلها اللبس اللي جابته عشان عشري مش راضي هي تروح