لقاء كـ.ـارثي

تعديها و تكملي كلام تلاقي نفس الرد بطريقه تانيه تخربي من الكريقه و تحاولي انك تلفتي نظري ان طريقتك معجبتنيش فا تتمادي و لما اسكت اقولك هو انتي زعلتي انا بهزر فاهمه حاجه

ليله…..هو انا فاهمه بس انتي متخيله ان نعيمه ممكن تبقي مستنيه منك رد معين عشان تضايقك بكلامها

امنيه…..طيب افهمها ازاي و هي اللي فاتحه الموضوع من غير اي مناسبه و لما اتلاشي ردها تلف و ترجع تضايقني بنفس الكلام و لما اقفل معاها الحوار و احاول اشغل نفسي بأي حاجه الاقيها تقولي انتي زعلتي انا مقصدش ماهو ده اللي هي عملتوا معاكي لما قالتلك بتعملي نفسك جدعه لما بتتزنق بتقول مقصدش او بهزر و خدي بالك ده موقف حصل بينا وهي اللي كانت فتحت فيه الكلام بس في مواقف تانيه حصلت و يمكن اكتر موقف زعلني منها و قولتوا بردوا لايمي فاكره اليوم اللي عرفنا فيه ان ايمي حامل

ليله…..ايوه

امنيه……بعدها عرفت ان ايمي كانت عامله تجميد بويضات و مقالتش غير ليكم

ايمي…..امنيه ما خلاص بقي نقفل علي الحوار يا قلبي

ليله…..لا استني انتي قولي يا امنيه
حصل ايه

ايمي….محصلش حاجه يا ستي ما انتي عارفه ان نعيمه متخلفه عقلياً والله

ليله….طيب و ايه مشكلتك اني اعرف ادام الموضوع مش جديد يعني و انها متخلفه خدي بالك انتي السبب في اللي حاصل ده الوقت

ايمي…..بضحك انا طب ليه

ليله….لو كنتي سبتيها تتكلم كانوا اتصافوا بس اهو لحد الوقت بتسكتي فيها مع ان العتاب صحي
قولي يا امنيه

امنيه…..لما عرفت و الموضوع خلص و ايمي شرحت اللي حصل بعد ما طلعنا لاقيت نعيمه فتحت معايا الموضوع وبتقولي هو انتي زعلتي ان ايمي خبت عليكي قولتلها اكيد زعلت بس مش عشان خبت عشان المفروض ان احنا علي الحلوه والمره مع بعض يعني حتي لو مش هقدر افيدها بحاجه علي الاقل تفضفض باللي جواها و تبقي مرتاحه ان في حد عارف عنها كل حاجه قالتلي وهي بتضحك ما هي اكيد عارفه انك فتانه و لو كنتي عرفتي كنتي هتقوليلي لزوزو قولتلها مستحيل اولا محصلتش قبل كده ان ايمي او محمود يتكلموا معايا في حاجه و اخرجها حتي لو امي و ابويا ثانياً ايه اللي كان هيخليني افتن في حاجه زي دي هي ايمي مش تعبانه ولا عندها مرض لازم اقولهم عليه دي حاجه خاصه و بعدين ما هي قالتلكم و لو هي شايفه ان الموضوع سر مكانتش قالت هو موضوع بسيط هي بس اللي كانت حساسه شويه تقوم ترد عليا و تقولي طيب بصراحه انتي زعلتي اكتر انها خبت و لا انها قالتلنا احنا و مقالتلكيش