لقاء كـ.ـارثي

نعيمه…..بابتسامه اقنعتني انا اتعلمت اني لازم اعرف اعمل اكل عشان معملش اندومي تاني

فضل….بضحك كويس اهو ده احلي درس معرفش بتاكليه ازاي

نعيمه……انت عارف اني بجد بقي عندي فوبيا من اي مايه مغليه يعني بجد اخاف الوقت اسلق مكرونه اخاف احط مايه في الكاتل للاخر

فضل…..وده كمان درس انك تخافي و تخلي بالك بعد كده و تركزي و انتي بتشيلي اي حاجه

نعيمه…..بضحك انا بركز لدرجه اني مبقربش من المطبخ خالص و اخري اعمل نسكافيه

فضل……لا واحده واحده هتتعلمي و هتخلي بالك مفيش حد بيتعلم بسهوله و في المطبخ معروف يا هتبوظي اكل يا هتتجر,حي بسـ.ـكينه او تتحر,قي بنا,ر يعني لازم تخلي بالك

نعيمه…..ربنا يستر بقي

فضل…..يارب

…………..

الوقت كان بيعدي علي الساعه سبعه و نص ايه مشيت هي و هنا راحوا لايمي و احمد سابهم و راح لحماده

امنيه فضلت قاعده وقت طويل مع ايمي و بعدين طلبت اوبر و راحت لزوزو هي كمان.

نعيمه راحت لنجود و فضل سابهم و مشي.

عشري كان مطحون في مشاوير و بيخلص كل اللي يقدر عليه و سلامه قابلوا وراح معاه

سلمي كانت لسه في عيادتها و بتحاول تنجز عشان تمشي علي طول وتروح

نسمه و سليم بينهم حاله جميله كل شويه يطمن عليها و نفس الوضع كان عند تقي و عدي اللي كان كل شويه يتصل عليها و يطمن

و ليله كانت مقضياها مشاوير تخرج من محل تدخل محل تمشي من مكان تروح امكان اشترت حجات كتير اوي و طبعاً مريم وراها لا تعبت و لا زهقت و لا ملت ولا حتي راحت لليله تتكلم معاها او تقطع طريقها زي ما عملت قبل كده ليله كانت سيباها علي قد ما كانت مش فاهمه هي ليه بتعمل كده و ماشيه وراها علي قد ما كانت عايزه تفهم و تجيب اخرها لان مريم مستحيل تكون بتراقب خطواتها بالشكل ده من غير سبب فضلت ليله تخلص مشاويرها لحد ما قررت تستكفي لحد كده كانت الساعه عشره قررت انها ترجع بس مش هتطلع هتفضل واقفه شويه بالعربيه و تشوف مريم هتجيلها و لا هتفضل ماشيه وراها بس.

مشيت ليله و قبل ما توصل عند البيت بكام شارع ركنت قدام مكان بيعمل قهوه نزلت جابت قهوه و رجعت تاني العربيه دورت و مشيت كام متر و بعدين ركنت العربيه في مكان هادي الشارع كان تقريباً فاضي يادوب عربيات بتتحرك و مش كتير و شباب بتعدي من وقت للتاني في الشارع الجو كان هادي و الدنيا برد و الكل قاعد في بيته تقريباً ركنت ليله و ابتسمت بهدوء و بعدين فتحت التابلوه طلعت موبايل تاني ليها فضلت تلعب فيه شويه و بعدين سابته قدامها كان عندها احساس قوي ان لف مريم وراها ده وراه سبب من اول ما اتحركت وراها هي و عشري و هنا ولما شافتها تاني يوم بتمشي وراها قررت انها تجهز بطريقتها عشان مكانتش متطمنه لمريم شغلت ليله موسيقي هاديه