لقاء كـ.ـارثي

ايمي…..انا محبتش يحصل حوار يا ليله و خصوصا اني واثقه ان امنيه لو اتكلمت معاها نعيمه هتقولها متقصدش او بتهزر لان اكيد هي مكانتش تقصد و ممكن تزعل من امنيه انها خدت الموضوع جد و المشكله تكبر بينهم و نتنكد في السفريه و احنا مش رايحين ننكد علي بعض انا حاولت اراضي امنيه و حتي قولتلها تيجي هي تقعد في الاوضه و انا اروح مع نعيمه مرضيتش

ليله…..لا غلطانه مكانش هيحصل اي مشكله علي الاقل كانوا اتكلموا مع بعض في الاوضه و هما قاعدين بليل عشان اختك متبقاش شايله منها و اديكي شايفه هي لحد الوقت زعلانه

امنيه……لا هو الموضوع خلص انا وقتها كنت متعصبه بس لكن مش لدرجه اني شايله منها بس اقصد ان مينفعش كل حاجه يتقال فيها مقصدش او بهزر لان لو قولت كلمه و اللي قدامي زعل منها يبقي لازم اخد بالي بعد كده من كلامي و حتي لو ده هزار او لسانها خانها تتحكم بعد كده في كلامها عشان متزعلش حد منها

ايمي…..والله هي هبله و لسه عقلها صغير

امنيه….. بابتسامه طيب بصي الموضوع خلص و قفات عليه بس متحر,قيش د,مي بكلامك هو ايه اللي هبله و عقلها صغير انتوا اصغر واحده فيكم ايه و عمرها ما زعلتني ولا عمرها زعلت حد بكلامها مع ان ايه تافهه و هايفه و بتهزر كتير اوي دي تقريبا حياتها كلها هزار و الش و تهريج و مع كل ده بتعرف امته تخرج الكلام من لسانها مش بتبقي قصداه

ليله…..بابتسامه احيييييه علي البوتجاز طيب بذمتك انتي شايفه ان نعيمه قاصده تضايقك

امنيه……بصي يا ليله نتكلم بصراحه

ليله…..اكيد

ايمي…بضحك خلااااااص حقك علي امي انا

ليله…..لا خليها تتكلم عادي انا عيزاها تقول كل اللي جواها عشان متبقاش شايله من نعيمه

امنيه…..بصي يا ليله انا عارفه انك هتفهمي قصدي في مواقف لو احنا متجمعين و كل واحد فينا بيقول كلمه و عمالين نهزر و نألش علي بعض و كل واحد فينا بيعلي علي التاني بافيه ممكن و احنا بنعلي كده الهزار او التعبير يخوننا ونقول كلام لو ركزنا فيه ممكن نلاقي انه يضايق بس مش بنقف عليه و بنعتبره انه هزار او غير مقصود فعلاً عشان الموقف قدامك بيبقي واضح ان الكل بيهزر و بيعلي علي التاني

و في مواقف او كلام ممكن يحصل بيني و بينك و مش معانا حد و تروحي انتي فاتحه كلام معين و تستني ردي عليه و بمجرد ما ارد كأنك كنتي عارفه ان هو ده الرد اللي هقولوا و تروحي قايله كلام يضايق