لقاء كـ.ـارثي

نادين……طيب يعني لو كان رضي مكانتش هتقول

نعيمه…..خلاص لو مجابتش كل حاجه انهارده ابقي اتفقوا و روحي معاها.

نادين……اكيد هعمل كده يلا خلينا نكمل بس الاول

نعيمه….ماشي يلا

………………..

وصلت ليله قريب من بيت ايمي كانت باصه في المرايا و مريم كانت وراها بس من بعيد وقفت ليله قدام البيت و مريم وقفت مكانها مقربتش

بصت علي الجنينه لمحت ايمي و امنيه معاها قاعدين في الجنينه ابتسمت بهدوء و نزلت بصت من تحت نضارتها و هي بتقفل العربيه و دخلت علي جوه اول ما كوبر لمحها فضل يهوهو و يرفع نفسه

قربت طبطبت عليه و هي مبتسمه

ليله….اهلا يا صفرا

ضحكت ايمي و امنيه

ايمي…..قلبي اللي مش هتسمع الكلام و هلاقيها في وشي كل يوم

ليله…… بابتسامه علي قلبك انا احيييييه عالصفرا اللي و حشتني

امنيه….. بضحك يا بت بوظتي سمعتي عمرو بقي ماشي طول اليوم يقولهالي في البيت

ضحكت ليله و حضنتها

ليله…..هو اللي اصفر ملهوش دعوه بينا عامله ايه يا قلبي

امنيه…..الحمد لله و حشتيني يا رخمه اتعودت اشوفك انتي والبنات كل يوم

ليله….وهي بتبوس ايمي و انتي كمان والله يا امنيه القمر بتاعي عامل ايه ؟

ايمي…..بخير يا قلبي ايه يابت الحلاوه والشياكه دي

امنيه…..هي طول عمرها شيك

ليله…..و النبي انتوا اللي قمر لا بس حلوه المفجأه دي معرفش انك هنا والله

امنيه…..انا جيت من نص ساعه عمرو رماني و مشي

ليله….بضحك رماكي ازاي انتي كيس زباله يا واطيه

امنيه…..بضحك ماهو وصلني وجري علي شغلوا قولتلوا عايزه اطمن علي ايمي و اروح اشوف ماما و بابا جابني و بليل بقي هيبقي يجي ياخدني

ليله…..ايوه بس بطلي تنطيط انتي كمان عشان اللي في بطنك يا اختي مش هنقعد واحده و التانيه تفضل تنط

امنيه….زهقت يا ليله قولت اغير جو

ليله…..جو ايه يا بت احنا لسه راجعين من كام يوم لحقتي تزهقي

امنيه…..ماهو انا مرميه هناك لوحدي و طول اليوم عمرو في الشغل مقضياها موبايلات لما اتخنقت

ليله….هانت يا اختي كلها كام يوم و ابقي قريبه منك هناك و هاجي اشوفك و انتي هتجيلي علي الاقل انا هبقي اقرب

امنيه…..اه والله نفسي تيجي بقي عشان اللقي حد اعرفوا هناك

ايمي….هتاخديها مني يا رخمه

امنيه….بضحك اااااه اتغاظي و هنخربها

ايمي……بصي البت بتضايقني ازاي