لقاء كـ.ـارثي

ليله….ضمتها و هي واقفه لا يا اختي متزعليش محدش يقدر ياخدني منك و انا هسيبك

امنيه….بضحك اهي اللي بتقولك كده دي اسبوع بعد الجواز و نلاقيها حامل و ندور علي حد يزورنا احنا الثلاثه

ضحكت ايمي و ليله علي كلام امنيه.

ايمي…..هتفضلي واقفه كده اقعدي ولا تعالي نقعد علي التربيزات دي احلي

ليله…..انتي اصلا ايه اللي مشعلقك انتي و هي فوق كده علي كراسي البار

ايمي…..مش عايزه ازهق من البيت جوه يا ليله بحاول اغير جو و بعدين مصدقت انهارده الشمس طالعه شويه و الجنينه بنت الفقريه دي من يوم ما اتجوزت انا و رشيد و مش عارفه اقعد فيها يا الجو برد يا بتمطر

ليله……بأبتسامه هو انا اعرف يعني ان الشمس حلوه للحامل بس بلاش الكرسي العالي دي حتي كراسي التربيزه متعبه عليكي انتوا ليه معملتوش قاعده كده مريحه

ايمي….بضحك اكيد رشيد مكانش عارف اني هحمل في تلاته

ليله….. بابتسامه الله اكبر علي فكره بقي افتكرت انتي اللي اختارتي كل حاجه في الجنينه دي يعني انتي اللي معملتيش حسابك

امنيه…..ممكن تيجيبوا الكراسي اللي هي البين باج دي مريحه

ليله…..بضحك هي مريحه اه بس اختك لو قعدت جواها هتختفي و مش هتعرف تقوم لو لوحدها

امنيه…..تنادي علي چوي تساعدها و الله الكراسي دي مريحه جداً

ليله….ايه ده صح انا نسيتها هي فين ؟

ايمي….جوه كانت بتجيبلنا المايه قبل ما تيجي علي طول و دخلت اكيد بتعمل حاجه قوليلي صحيح تشربي ايه و فطرتي اصلا ولا لا

ليله…..لا مش عايزه اشرب انا معايا قهوتي و لسه مخلصتهاش في العربيه

ايمي….طيب فطرتي و لا احضرلك حاجه تفطري بيها

ليله…..لا انا مش جعانه صاحيه قرفانه كان في دم نازل من بوئي و صاحبه من الوم معدتي بايظه

ايمي…..اين ده ليه؟

امنيه…..اتخبطتي في حاجه ولا ايه

ليله…لا خالص كنت فاكره انها سناني و سالت سلمي فضلت تقولي حجات كده و بعدين قالتلي لا من سنانك ولا من اللثه ده جفاف عشان بتاخدي نفسك من بوئك و فعلا انا مناخيري من بليل مسدوده خالص اكيد مكنتش عارفه اتنفس كويس

امنيه……طيب هو الجفاف ده يخلي بوئك ينزل دم

ليله….هو مش دم كتير زي ما انتي متخيله دم عادي كأنك اتخبطتي في سنتك بس هو قلب معدتي و سلمي قالتلي اه بيعمل كده الهواء اللي داخل ده بيعمل جفاف و بيروح عامل تشققات بتنزل دم قصه كده اختصارها اتنيل اخد علاج للبرد و حاجه تفتح مناخيري عشان اتنفس كويس