لقاء كـ.ـارثي
لقاء كـ.ـارثي
ايمي…..بضحك عصبيه و خلقها ضيق سيبيها
ليله….. بضحك اه اصل انا مش فاهمه اوي بحاول اقولها اللي فهمتوا
امنيه…..بضحك طب ما تكشفي احسن يعني كده ده مش تخصص سلمي
ليله…..لا دي قرده روحت قولت للصيدلي كده قالي فعلا الجفاف بيعمل كده
ايمي…..طيب اختصاراً للرغي ده هتفضلي من غير فطار يعني خليني اقوم احضرلك فطار
ليله…..والله ما عايزه لما اجوع هبقي اكل و لو جعانه مش هتكسف يعني
امنيه……بابتسامه انتي مش نازيه تطلبي من چوي يا ايمي
ايمي….اطلب ايه
امنيه…..عماله تقوليلها اقوم احضرلك
ايمي…..بضحك مش عارفه والله رشيد فاكر انه بيساعدني و بيريحني خلاني لا قادره اطلب منها و لا عارفه اقوم اعمل لنفسي لانها هتيجي ورايا جري
ليله…..لا بقولك ايه هي جات و خلاص اتعودي بقي
ايمي….والله ما عارفه الموضوع تقيل عليا اوي
ليله…..تقيل عليكي ماشي بس ده شغلها هي مش هتضايق اكيد هي لو مش هتشتغل معاكي هتشتغل مع غيرك
ايمي….حلو بت يا امنيه ابقي فكريني اقول لعشري يجيب واحده لليله عشان تريحها ادام شايفه الموضوع سهل كده
ليله…..بضحك ملكيش دعوه بليله يا صفرا زي اختك
ايمي…..بضحك اهي شوفتي يعني مش صعب عليا بس
ليله….بس انتي مضطره يا ايمي لانك سمعتي كلام الدكتوره بنفسك خلينا بقي نعدي الفتره دي علي خير و بهدوء و اتعودي اعتبريها حد مننا يعني انا لو معاكي انا ولا امنيه ولا حد من البنات مش هتطلبي مننا عادي يعني
ايمي…..طيب سيبك مني عملتي ايه في السخان
بصتلها و رفعت حاجبها و ابتسمت
ايمي…..بضحك معلش خليها عليكي و امسحيها فيا
ليله…..كلمت الشركه يا اختي بس هيجوا بكره
امنيه….ماله السخان في ايه
ايمي…..بضحك باظ و عندت متصلحهوش عشان نعيمه ضايقتها
امنيه…..ليه عملتلك ايه
حكيتلها ايمي و هي بتضحك علي اللي حصل.
امنيه…..طب وايه اللي سخنها كده علي ليله و بعدين ليله بتعمل نفسها جدعه طب ازاي البت دي دبش
ليله….اديكي قولتي اهو دبش اعمل ايه مضطره اتحملها صاحبتي
امنيه….هو بصراحه يعني من غير ما تزعلوا مني نعيمه بجد دبش و ليها مواقف معايا يمكن ايمي تعرفها و زعلت منها كذا مره و اشتكيتلها
ليله…..لا بس هي طيبه والله عيبها بس لسانها و اكيد متقصدش
امنيه…..ايوه بس لازم تراعي ان اي كلمه بتقولها ممكن تزعل اللي قدامها انا عرفاها كويس و مع ذلك بصراحه زعلت منها هي للاسف مش بتاخد بالها من كلامها و لازم تراعي ان حتي لو اللي قدامها عارفها كويس و قريب منها ممكن كلامها يضايقه
