لقاء كارثي
لقاء كارثي
ملامحهم كانت حزينه اوي و في مشاعر متغبطه..
كلام بسيط اللي كان بيتقال بيحاولوا يكسروا بيه الصمت ده و يغيروا المود
بعد الاكل شالوا كلهم و احمد قال داخل يقرا قران شويه
و تامر كمان دخل اوضته
سلمي…وسعي يا نغم انا هكمل
نغم…لا طبعا خليكي في عروسه تغسل اطباق المفروض تدلعي انهارده
سلمي….بابتسامه ربنا يخليكي ليا يا قلبي بس انا واقفه مش بعمل حاجه
نغم…مش كتير والله خلاص قربت اخلص يويو ايه ساكته ليه
ايه…..بابا صعبان عليا هو و تامر اوي
سلمي….وانا كمان واول مره مبقاش عارفه اقولهم اي حاجه بالذات بابا حاسه اني كأني عامله عامله مش عارفه ابص في وشه لدرجه اني شاكه اني بكره هبات مع راجل غريب مش جوزي و مكسوفه منه و مش عارفه اقولوا ايه
نغم…. بابتسامه بلاش تفكري كده ده جوزك مش راجل غريب و بابا اكيد عارف يعني ان خلاص هيبقالك بيت تاني بصي روحي انتي و ايه اقعدوا معاهم اتكلموا هزروا كده يعني
ايه….انا هروح اشوف بابا
سابتهم وخرجت
نغم….روحي يلا انتي كمان شوفي تامر و اقعدي معاه و انا هخلص هنا و هعملكم شاي و عصير و بعدين نخرج نقعد مع بعض شويه قبل ما ننام عشان نصحي بدري
سلمي…نغم احنا الفتره دي بجد تاعبينك معانا اوي
نغم….تعب ايه بس يا سلمي انا معملتش حاجه خالص يلا روحي يا قلبي
سلمي…طيب هتكلم معاه شويه و هجيبه و نخرج نفعد مع بعض تكوني خلصتي
نغم…تمام طيب يلا روحي
عند احمد و ايه
خبطت ايه و دخلت بصتلوا وابتسمت
احمد…..صدق الله العظيم تعالي يا حبيبتي
قربت ايه قعدت جنبه علي السرير
و نامت في حضنه.
ابتسم احمد و باس راسها و ضمها
كانت داخله تتكلم معاه و تهون عليه بس الكلام راح فا اكتفت بس بحضنها ليه
احمد….بهدوء حضرتي حاجتك اللي هتاخديها معاكي بكره احسن تنسي حاجه
ايه…..ااااا اه حضرت كل حاجه خلاص هو انت مش هتيجي معانا بكره الفندق
احمد…..لا انتوا شباب مع بعض بقي تامر اللي هيبقي معاكم انا همشي انا وحماده و زوزو مع بعض و نقابلكم في الفرح عشان لازم اكون هناك استقبل الناس
ايه….اااا طيب تمام
احمد….بهدوء قومي كده عايز اقولك كلمتين
قامت ايه و بصتلوا و ابتسمت بحزن فظيع
ايه….ايه ناوي تقولي الوصايا العشر
احمد…..بابتسامه جميله هز راسه و طبطب علي كفها اه ناوي اقولك الوصايا العشر
