لقاء كارثي

هزت ايه راسها بهدوء

احمد…..خلي بينكم مودة حتى في أبسط الحاجات سؤال ضحكة لقمة كلمة حلوة وقت التعب

ولو الأيام اتغيرت عليكم
افتكري إن البيوت المحترمة ما بتقفش على مين كسب الخناقة بتقف على مين عرف يحتوي التاني

متخافيش من البداية أي بيت في أوله بيكون غريب شوية وأي اتنين بيحتاجوا وقت علشان يفهموا بعض جايز انتوا فهمتوا بعض اوي بس لسه البيت اللي هيتققل عليكم من بكره غريب عليكي وعليه مجتاجين تفهموه الصبر في أول الطريق بيصنع راحة سنين يا أيه

يعني اصبري عدي مش اي حاجه بنقف عليها خلي ديما في بينك و بين سلامه حتي في عز غضبكم من بعض لغة حوار افهمي وجهة نظره قبل ما تتعصبي و فهميه وجهة نظرك بالرضا مش بالغصب.

اتعلمي تعتذري لو غلطتي يا أيه
وفي نفس الوقت ما تتعوديش تعتذري عن حقك أو كرامتك

ما تخليش الزعل يبات بينكم
الكلمة اللي بتتقال وقت الغضب أوقات بتسيب أثر عمر كامل فاختاري كلامك حتى وأنتي متعصبة و لو زعلتيه اوعب تسيبيه ينام زعلان الراجل بيفتكر و مش بينسي قساوة الست عليه هيفضل شايلهالك عمر انك نيمتيه زعلان من غير ما تراضيه الراجل جواه عيل صغير بيتضحك عليه بكلمه

ولو زعلك و جه رضاكي و انتي شايفه ان الموضوع يعدي و مش مستاهل اتراضي و وافقي اعتذاره و احساسه بالغلط كفايه

افتكري إن الراجل مهما كان قوي بيحتاج حضن آمن وكلمة تطمنه
وإنتي كمان من حقك تلاقي نفس الأمان.

و نصيحه تانيه هتخلي حياتك ديما كلها رضا متقارنيش حياتك بحد
كل بيت ليه رزقه وظروفه وطريقته

جابز الشبب شغلهم مع بعض و بينجحوا مع بعض زيك انتي والبنات بس ممكن جوز اختك ربنا يكرمه اكتر يمشي حياته بشكل تاني غير حياتكم ملكيش دعوه ارضي بحياتك و نفس الكلام عليكي انتي وسلامه جايز ربنا يرزقه اكتر اختك مينفعش تقارن نفسها بيكي و بحياتك الرضا هيخليكي عايشه مرتاحه متطمنه

وأوعى تفتكري إن جوازك معناه إنك فقدتيني أنا هفضل ضهرك وسندك وأمانك و حمايتك مهما كبرتي ومهما بعدت بينا البيوت.

نزلت دموعها اكتر

احمد….بتأثر ابتسم اخر حاجه بقي احب اقولهالك أتمني من كل قلبي اكون قدرت اكمل رسالتي معاكي علي خير اتمني اكون في نظرك كنت قد المسؤوليه اتمني مكونش قصرت معاكي في اي حاجه اتمني اكون في نظرك كنت اب زي ما الكتاب قال