لقاء كارثي

ماريز….ايه الاخبار يا عريس

حسان….لا والله العظيم بجد مش عارف اقولكم ايه تسلم ايدكم و تعبكم باين علي وشكم

ايمي….بضحك انا خلصت خد بالك بس كله يهون عشانك انت ولومي

حسان…حبيبه قلبي يا ايمي ربنا يخليكي عقبال ما نطمن عليكي انتي وامنيه و نفرح بنوني و نادين

نعيمه….مبروك يا حسان ربنا يسعدكم في اي تعديل

حسان….لا تعديل ايه بقي والله ولا غلطه تعبكم واضح في كل مكان في البيت شكرا يا نغم شكرا يا امنيه

امنيه…علي ايه بس يا حسان الف مبروك

نغم…..العفو و مبروك

حسان…الله يبارك فيكم يارب

ايمي…امسك يا عم مفتاحك اهو

حسان….بابتسامه ماشي يا ايمي

ايمي….يلا بقي احنا ولا ايه انا عايزه اخد شاور

حسان…انا هوصلكم يلا

ايمي….لا توصلنا ايه احنا هنروح مع نادين ونوني زي ما جينا معاهم

حسان…والله ما هينفع

ماريز….يا ابني خليك هتيجي تعمل ايه ما البنات معاهم العربيات افرح انت بقي بالبيت

حسان….تعبتك والله يا زوزو

ماريز…تعبكم راحه يا حبيبي ربنا يجعلوا فاتحة خير عليكم يا خبيبي و تملوا البيت عيال

حسان…. بضحكه جميله في حياتك يا ست الكل

سلموا عليه و خرج وصلهم لحد بره

و روحوا و انتهي اليوم ده كمان بعد تعب وارهاق ما بعده ارهاق

……………..

في صباح يوم اليوم اللي قبل الفرح

كان الكل مريح و مفيش حاجه وراهم الشقق اتفرشت البدل والفساتين اتجابت كل حاجه خلصانه
علي اكمل وجه ..

مفيش غير سلمي و ايه راحوا تاني لتوما عشان بيخلصوا تجهيزات العروسه و بيكملوا ماسكاتهم و كل حاجه خاصه بالعروسه..

طبعا توما كان الراعي الرسمي لافراح البنات ولانه ميقدرش يرفض لليله وايمي طلب وافق يطلع بره مكانه لانه بيعتبرهم جزء منه..

حسان و سلامه راحوا علي القلعه عشان يتابعوا بنفسهم كل التجهيزات مره اخيره و يتأكدوا ان كل حاجه زي ما طلبوا بالظبط و مفيش اي تعديلات

وبعد ما خلصوا هما كمان راحوا للحلاق عشان يظبطوا نفسهم

في مساء اليوم في منزل احمد

كانت اصعب ليله تعدي عليه لانها اخر ليله للبنات في البيت

كان ساكت وحزين هو و نغم بيحضروا العشاء و سلمي و ايه بيجهزوا لبسهم وحاجتهم عشان الصبح يروحوا علي الفندق اللي هيجهزوا فيه..

بعد وقت مش طويل العشاء جهز و قعدوا كلهم مع بعض كان في حاله من الصمت حاصله

كل شويه البنات يبصوا لاحمد براحه و يسكتوا و يبصوا لتامر و يسكتوا