لقاء كارثي

نغم….اااا معرفش كنت هتصرف طيب بص هو انا بصراحه محتاجه مساعدتك لاني مش هعرف اطلع كل ده لوحدي بس اوعدني انك مش هتفتن

تامر….وهو انتي قولتيلي حاجه قبل كده و فتنت

نغم….بصراحه لا بس المرادي مش ضمناك ممكن تفتن

تامر…بابتسامه لا مش هفتن و عد

نغم….اممم طيب صدقتك طلع بقي معايا الحاجه دي و انا هقولك

تامر….يا سلاااام وانا ايش ضمني بقي اني اطلع و في الاخر تقولي مش قايله

نغم….بضحكه جميله هو انا عيله بس مش للدرجادي والله هقولك

تامر….بابتسامه جميله علي ضحكتها طيب يا ستي امسكي انتي شنطتي دي و خليني انا اطلع الاول في اي حاجه تتكسر

نغم….اممم بس البوكسين اللي في الارض دول فيهم حجات تتكسر اه يعني براحه عليهم

و بيتهيالي الكرتون ده كمان

تامر…طيب تعالي الاول امسكي الاسانسير احط فيه الكراتين دي و بعدين نشوف البتاع الكبير اللي وراكي ده هو ده مرايا

نغم….لا مش مرايا ده فريم

تامر….فريم ازاي

نغم….يعني فريم يا تامر من الكرتون برضوا مش تقيلي

تامر….المهم مش حاجه تتكسر

نغم….لا

تامر….طب روحي هاتي الاسانسير و انا هجيبلك البوكسات

نغم…اوك

دخلت بسرعه فتحت باب الاسانسير و هو شال الكراتين كانت مش تقيله للدرجه بس تقيله عليها هي فضل يحطهم جنبها

تامر….كنتي هتشيلهم ازاي دول

نغم….بابتسامه معرفش كنت هتصرف هو الفريم مش هيدخل في الاسانسير صح

تامر….مظنش استني نشوف

راح شاله و قرب حاول يدخلوا معرفش

تامر….بصي انتي هتطلعي و انا هطلع بيه عالسلم و افتحي الباب هطلع اسحب انا الكراتين

نغم…اوك بس هتطلع عالسلم

تامر ….اه عادي مش كتير يلا اطلعي وانا جاي وراكي

نغم….اوك هو انت كنت فين ؟

بصلها باستغراب ورفع حاجبه

نغم…ااا مش قصدي يعني بس انا اتخضيت لما شوفتك فكرت اني محدش هيقفشني

تامر…بابتسامه كنت بصلي الجمعه انا وبابا بس هو سبقني وروح وانا كنت بجيبلهم حجات من الماركت

نغم….امممم طيب يلا اطلع

تامر…..بابتسامه ماشي

شال تامر الفريم و طلع و هي سبقتوا بالاسانسير فتحت الباب و خرجت بوكس منهم و خرجت التاني براحه و بعدين خرجت التالت فتحت الباب كان هو طلع

تامر…..استني هدخلهملك

نغم….اوك تعالي

دخلت سابت شنطته علي جنب و هو دخلها الفريم و بعدين دخل الكراتين جوه

نغم….تشرب

تامر…..ياريت