لقاء كارثي
لقاء كارثي
تامر….بضحك انتي عايزه ايه بالظبط ايه اللغبطه اللي انتي فيها دي
نغم….بضحك خلتص هنروح الروف الاول تعالي
راحت نغم فتحت الشباك بتاع الروف و دخل تامر بالفريم الروف كان متظبط و معمول فيه قعده حلوه اوي حاطه تربيزه و حواليها كراسي و حاطه بلالين و السماعات الكبيره
تامر….ابتسم ايه ده هو في عيد ميلاد حد وانا مش عارف
نغم …لا مش عيد ميلاد استني هفهمك نفتح بس الفريم عشان عايزه اتفرج علي الاوردر الاول بس هو انت متأخر
تامر….بضحكه جميله لا مش متأخر براحتك
نغم…طيب فك الفريم بس براحه وانا هفك الكراتين
تامر….ماشي
بدأ تامر شيل الاكياس و السلوتيب من علي الفريم
نغم قامت وجريت علي جوه تجيب مقص تفك بيه السلوتيب من الكراتيبن بصلها تامر
تامر….في حاجه يا نغم
نغم….من بعيد لا لجيب مقص
رجع تاني يفك و هي رجعت تاني قصت السوليتب
ابتسم تامر اول ما فك الفريم و بدأ يفهم هي عامله ايه لمح المكتوب
لليله الحنه و توديع حفلة عزوبيه ايه و سلمي
تامر….بابتسامه انتي مجنونه يا نغم
نغم … بابتسامه فهمت كده طلعت سبت من اللي في الكرتونه ايه رايك
قرب ومسك السبت يشوف اللي فيه
تامر…..تحفه حلوين اوي بس انتي ايه اللي خلاكي تعملي كده
نغم …بتنهيده جميله بصت علي الفريم بسعاده ااا عادي انا عارفه انهم مش هيعملوا حنه ولا عندهم وقت اصلا انهم يفكروا فيها فا حبيت افرحهم و بما انها وافقوا نتجمع هنا فا نحتفل بيهم مع بعض بس المهم حلوين
تامر….بسعاده يجننوا يا نغم و بجد شكرا انك فكرتي تفرحيهم هيتسبطوا جدا انا عارف و هتفرق معاهم كتير بجد شكرا علي تعبك و مجهودك و انك حاولتي تعملي حاجه زي دي عشانهم
نغم…..العفو يا تامر دي حاجه بسيطه والله انا لو عنلت اكتر من كده بكتير مش هقدر ارد ولو جزء بسيط من اي حاجه اتعملت عشاني
تامر …بالعكس دي مش حاجه بسيطه خالص يا نغم و بعدين اينعم احنا مبقاش في بينا اننا نرد لبعض جمايل بس انا مش عايز ابوظ فرحتك دي بالكلام الكتير واقولك ليه كده و عملتب كده ليه عشان انا نفسي بجد اتبسطت اوي و مجاش فب بالي انك عامله حاجه زي دي انا تخيلت انه اوردر ليكي بس بجد المفجاه حلو واتبسطت
نغم….بسعاده يعني هيفرحوا
تامر…..طبعا مفيهاش كلام هيتبسطوا اوي
نغم…..تامر اوعي تعرفهم والنبي
