لقاء كارثي

و كانت بتعمل الحاجه بسعاده و حماس غير طبيعي

أما تامر فا هو كمان كان متحمس و مبسوط الحاجه حلوه و مفاجأتها ليهم احلي حط الفريم بشكل كده حلو في الزاويه و ظهر كل المكتوب بشكل حلو خرج جاب التربيزه و بدا يرص عليها التوزيعات بشكل شيك

و بعدين خد الصنيه بتاعت الورد والحنه حطها في نص التربيزه

كان في شمع صغير و زع حبه منه

و بعدين بدأ يوزع الشمع جنب الفريم اللي محطوط و وزع حوالين السور بتاع الروف كله

دخلت نغم وهي معاها نسكافيه و طبق في قطع جاتوه سواريه و معجنات صغيره شكلها حلو اوي

نغم ..بابتسامه الله شكلهم بقي حلو اوي

تامر…بصلها ايه رايك حابه تغيري حاجه

نغم…لا خالص كده حلو اوي انت عملتهم احلي ما انا كنت هعملهم

تامر….مجبتيش النور ليه عشان اركبه

نغم…اه نسيت هجيبه الوقت تعالي بس اشرب و كل

تامر….لا سيبي النسكافيه و خدي ده معاكي مش عايز اكل

نغم….طب ليه دوقه طيب وقولي حلو ولا لا

تامر…..طيب خلاص سيبيه بس وروحي هاتي النور

نغم…اوك

كمل تامر و لع سيجاره و راح يشرب من النسكافيه

نغم….تامر هو المشترك ده ينفع مش عندي غيره

تامر…..و هو بياكل حلو اوي حلو هينفع كان في حته صغيره من الجاتوه في ايده قربها منها بسرعه افتحي بوئك كده

بصتلوا بصدمه و ابتسمت

تامر….يلا كلي خليني اروح اكمل

نغم….بابتسامه ااا اوك

كلتها منه وفضل مبتسمه و قلبها عمال يدق و هو سابها وراح يكمل و لا كأنه عمل حاجه طريقته كانت تلقاىيه و بسيطه عايزها تاخدها من ايده عشان يكمل بس هي اتخضت و يمكن هو بقي حاسس انه من وقت للتاني بيفاجىها برد فعل يبان بسيط و مش مقصود بس كان حاسس انه من جواه قاصد منها يحسسها انه بيتعامل معاها براحته و عادي و بيتعبرها بقت شخص قريب و منها يشوف ردود افعالها زي ما رفع التيشرت وشاف ايدها و زي ما اكتر من مره يمسك ايدها من غير اي مقدمات لما كان بيروح معاها النيابه و مواقف كتير

بص تامر بطرف عينه عليها كانت واقفه مش علي بعضها متوتره و متلغبطه و مبتسمه و عماله تاكل

ابتسم بهدوء و كمل وصلها النور و ظبطلها كل حاجه و جربه

تامر…ايه رايك حلو كده حو مش باين لنا النهار يروح هيظهر اكتر

نغم….اه حلو اوي بجد

تامر…..كده الدنيا بقت تمام خلاص في اي حاجه تاني حابه تزوديها

نغم….امممم لا بس هو في مشكله صغيره قد كده