لقاء كارثي

اختارت توزيعه شكلها حلو اوي عباره عن سبت صغير خشب خوص في كل حاجه باللاڤندر بخور و عود وشموع وصابونه و ليفه كله باللون الموڤ شكله يجنن

و اختارت فريم كبير يتصورا وراه مكتوب عليه الليله الحنه و مكتوب عليه حفل توديع عزوميه أيه و سلمي .

و صنيه علي شكل دائري كلها ورد و في النص شموع كتير بتولعها هي كانها الصنيه بتاعت الحنه

و مكانش عندها سماعات في البيت اشترت سماعه كبيره صوتها حلو عشان يشغلوا عليها اغاني و جابتلهم طرحتين تل قصيرين لونهم ابيض

و اتفقت مع محل حلويات جابت منه جاتوه سواريه و شويه حلويات و مخبوزات سواريه صغيره ساليزون وحجات حادقه و كانت مقرره تطلب اكل لانها مش هتلحق تعمل حاجه اليوم ده يادوب بس تظبط المكان والديكورات اللي استلمتها و قبل ما يوصلوا تولع الشموع كانت طالبه صنيتين مشاوي شيش طاووق و فراخ مشويه و كفته و شاورما متقطعه قطع وسط الصنيه و متغلفين كويس عرفت نسمه وتقي وهي في الفرح و قالتلهم محدش يقول و هما وعدوها مش هيقولوا وهيروحوا علي المعاد.

علي الساعه 12 جالها اتصال من الدليڤري البنت كانت بعتالها الحاجه

علي الساعه واحده ونص وصل بتاع الدليڤري نزلت نغم بسرعه عشان تستلم الاوردر و علي حظها لمحها تامر كان بيصلي الجمعه هو و احمد واحمد سبقه وهو راح يشتري حاجه لقاها واقفه مع واحد وجنبها حجات كتير واقفه ملخومه فيها و بتحاسب الولد قرب منهم

تامر….صباح الخير

بصتلوا نغم بصدمه

نغم….صباح الخير

تامر….بصلها وبص للشاب في حاجه

نغم…ااا لا كنت طالبه اوردر و وصل بصت للولد كده الحساب تمام

الشاب….اه تمام اي خدمه تانيه

نغم…ميرسي اوي تعبتك معايا

الشاب….ولا اي حاجه بعد اذنكم

بص تامر للشباب و هي كانت واقفه مرتبكه و خايفه يفتن

تامر…بصلها هو في ايه و اوردر ايه ده؟

نغم….اااا مفيش عادي اوردر

تامر….نغم هو انتي ليه علي طول مرتبكه كده ليه ديما محسساني انك عامله مصيبه

بصتلوا نغم و ضحكت غصب عنها

نغم…..انا مش عامله حاجه انت اللي علي طول متعصب عليا

تامر….بابتسامه يا ستي انا مش متعصب بس خوفك ده اللي بيعصبني

نغم….انا اصلا مش خايفه هخاف ليه يعني هتاكلني

تامر….بصلها وضحك طب لما انتي جريئه اوي كده قوليلي مين ده وايه الاوردر الكبير ده اصلا انتي ازاي هتعرفي تطلعي البتاع اللي وراكي ده لوحدك ده اطول مني انا شخصياً