لقاء كارثي
لقاء كارثي
ايه….بضحك هي الكعبه ورانا ولا ايه
ضحكوا كلهم علي ايه و رنه نعيمه الضحكه
نادين….والله هتتبسطوا جدا
ايه….طب انا عايزه اشوف
نغم….بسعاده طيب اتحركوا براحه
ليله…استني وراهم الحرف بتاع الشباك هيتكعبلوا
نغم…طيب خطوه كمان و اققوا ادخلوا انتوا يا بنات شوفوا و هنا يدخلوا بعدكم
دخلوا البنات جوه كانوا مبسوطين و معجبين اوي بكل حاجه
ليله….غمضوا عينكم يا بنات ولفوا براحه و انا هدخلكم
نغم….بس اوعدوني تغمضوا بجد
سلمي….هغمض والله
ايه….ادام البنات اتبسطت يبقي حاجه حلوه خلاص هغمض والله
نغم…طيب يلا
غمضوا و ليله دخلت ايه و نغم دخلت سلمي و راحت وقفت جنبهم
نغم…..يلا فتحوا
فتحوا الاتنين مع بعض بصوا علي الفريم و اللي مكتوب عليه و علي التوزيعات و البلالين و صنيه الورد و الحنه و الشموع اتصدموا و ابتسموا و كانوا مخضوضين مجاش في بالهم اي حاجه خالص زي كده و لا حتي قدروا يتوقعوا نغم عامله ايه
شغلت تقي اغنيه و نعيمه زغرطت هي و ريهام و جريت نغم بسرعه جابت الطرحتين لبست سلمي واحده و جريت لبست ايه واحده
ايمي مسكت ايد سلمي وايه رقصتهم نادين و نعيمه قربوا هما كمان مسكوا ايدهم
ليله كانت واقفه تضغط و تسقفلهم و مبسوطه
قربت تقي و نسمه دخلوا معاهم يرقصوا مسكت نغم ايد ليله ودخلتها معاهم و رقصوا كلهم
المشهد في اللحظه دي في عين سلمي وايه كان كأنه سلو موشين
عمالين يضحكوا والصدمه باينه علي وشهم و مش مستوعبين سلمي عيونها بتلمع و مدمعه من الفرحه
البنات مسكوا الصاجات في ايدهم ايمي مسكت الرق و نعيمه مسكت التاني و الاجواء كانت تجنن بجد في لحظه اتحولت
كل حاجه كانت جميله و لحظه بجد كانت مميزه جدا
و بعد كام اغنيه و رقص وضحك و زغاريط و سعاده وقفت نغم الاغاني لانها حست ان ايه و سلمي مصدومين لسه و مش فاهمين
ايمي…. ايه المفجاه الحلوه اوي دي
سلمي….. بابتسامه تجنن نغم انتي ايه بجد اللي عملتيه ده
ايه….بضحك انتي مجنونه يا بت بجد
ليله…..هو انتوا ونغم متفقين طيب مع بعض ولا ايه
تقي…..لا نغن هي اللي عامله كل حاجه
ريهام….احنا معزومين بس عشان نفرح البنات
نغم…..بأبتسامه طيب خلوني بس اقول حاجه و افهمكم اولا اول حاجه انا مبسوطه عشان شيفاكم مبسوطين بجد ثاني حاجه انا عارفه انكم مكنتوش هتعملوا حنه و لا فاضيين اصلا ليها بس انا حبيت افرح بيكم بطريقتي كنت اتمني اني اعزملكم كل الناس القريبه منكم بس سامحوني انا لسه مش واخده علي الكل اوي بصراحه كنت مقرره الاول اننا نحتفل بس كده مع بعض يعني صحابكم وانا بس امبارح لما اتقابلنا في الفرح قعدت ثواني افكر مع نفسي اقول لنسمه وتقي وريهام ولا لا بس قررت اقولهم و اكدت عليهم محدش يعرفكم عشان تبقي مفجأه
