لقاء كارثي
لقاء كارثي
تامر….والله ما هقولهم حاجه متقلقيش
نغم…..طيب شوف باقي الحاجه
تامر….يلا فرجيني
فتحت باقي الكراتين و طلعت كل حاجه علي التربيزه و طلعت صنيه الحنه كان جواها ورد كتير و جوازه زجاجه معطر بريحة اللاڤاندر هديه مع الاوردر و طلعت الطرح التل و كان مع الاوردر صاجات و اتنين رق اللي هو شبه الطبله الصغيره و حجات تجنن كانت عماله تطلع و تضحك و مبسوطه وهو مبسوط معاها
نغم…..الاوردر حلو اوي
تامر….تسلم ايدك تحفه والله
نغم….هو انت مش مهندس ديكور
تامر…بيقولوا
نغم…طيب ممكن تقولي احط الفريم فين بالظبط و ازاي ارتب الحاجه دي
تامر….اه بس هتحاسبيني ده شغل
نغم….بضحك ماشي هحاسبك موافقه
تامر….. بابتسامه بصي الفريم خليه يكون هنا في الزاويه دي قريب من البلالين اللي انتي حطاها عشان كمان لما يدخلوا ميبقاش في الوش و يشوفوا علي طول
نغم….انا اصلا هخليهم يغمضوا عينهم
تامر…بضحك ماشي بس برضوا خليه هنا هيبقي حلو اوي
نغم…..انا نسيت انا جيبت نور مع السماعات ممكن تبقي تحطه معاهم دي فروع كده زي بتاعت رمضان بس عشان يبقي شكلها حلو
تامر…..بابتسامه انا خايف عليكي من نادين واللي هتعملوا فيكي
نغم….بضحك والله العظيم فكرت فيها وهي اكتر حد شايله همه
تامر….بضحك لازم تخافي بعد ما خربتي الدنيا كده
نغم….بضحك لا انا هقولها مش هعمل حاجه تاني خلاص
تامر…..طيب يلا روحي هاتي النور و انا هظبطلك الدنيا و بقولك ايه خدي العلب بتاعت الحلويات دي من بره عشان عايز التربيزه
نغم….هتعمل بيها ايه مش هتبقي حلوه هنا
تامر….لا خلوه بس هي اصلا مش هتبان هحط عليها التوزيعات دي وهيبقي شكلها جميل
نغم….بابتسامه طيب ممكن نحطهم هنا علي التربيزه دي
تامر….و هنحطي فين الحلويات او الاكل يا ذكيه خلي دي ليكم انتوا و خلي دي علي جنب هنا مع الفريم
نغم…ايوه صح تمام هروح اشيلهم و اجيبلك التربيزه
تامر….لا سبيها تقيله عليكي هاجي اخدها
نغم…طيب تشرب قهوه او نسكافيه
تامر….بابتسامه ماشي
نغم…اعملك ايه
تامر….اي حاجه اللي تعمليه
نغم….اوك
دخلت نغم خدت العلب و راحت علي المطبخ
وقفت تعمل نسكافيه اتامر و طلعت طبق حطتلوا من الحاجه اللي طلباها
و اكدت علي الاوردر كله كان زي ما طلبت الحاجه كانت تجنن و شيك اوي دخلت العلب في الثلاجه
