لقاء كارثي

و بدأوا هما يومهم

اما عند بيت ايه راحت ليله حنان و ريهام كانوا مستنينها و جالهم نسمه و تقي كمان سلامه طلعهم البيت برضوا كان يجنن و نفس وضح بيت سلمي لسه مش مترتب ولا باين جماله

اطمن سلامه عليهم و بعدين سابهم براحتهم و نزل

و هما كمان بدأوا يومهم غيروا لبسهم عشان متتبهدلش و اتفقوا كل واحد يعمل حاجه عشان ينجزوا

اما ايه و سلمي فا هما كمان بداوا يومهم بس بطريقه مختلفه راحوا لتوما عشان يعملوا ماسكات لوشهم و شعرهم و يعملوا حنام مغربي و يقضوا يومهم و يظبطوا نفسهم

لان مكانش في وقت غير بكره و تاني يوم الفرح..

طول اليوم الكل كان شغال و بيحاول ينجز باحسن طريقه ممكنه

ايمي اتصلت علي ليله ڤديو كول عشان تشوفها بتعمل ايه

ثبتت ليله الموبايل و بقوا قاعدين مع بعض و كل اللي يخلص حاجه يفرجها للتاني حتي زوزو وحنون اندمجوا وكانوا عمالين يكلموا بعض و يضحكوا و ياخدوا رأي بعض

ورغم ان كل مجموعه فيهم كانت في بيت الا انهم كانوا مع بعض علي الموبايل و عملوا نفس الاجواء الجميله اللي بتجمعهم ببعض حتي وهما بعيد ضحك وهزار و جنان و تعب باين من ضحكهم اللي من غير مبرر و كل ما يفصلوا يرتاحوا شويه

ظبطوا الدريسينج و رتبوا الهدوم و البرفيوم و الميكب و الشوزات والشنط ظبطوا المطبخ اللي خد منهم وقت طويل و النيش نسمه و تقي كانوا عمالين يشلوا في البلاستيك اللي علي العفش و الشبابيك و كانوا مبسوطين اوي

و طبعا ايه و سلمي كانوا بيتصلوا يطمنوا عليهم كل ما يعرفوا

الشباب كمان كل شويه يكلموهم و البنات تكلمهم ايمي كل شويه تتصل برشيد تسأل عليه

كان يوم متعب و مرهق بس خلص علي خير البنات فرشوا الشقق وخلوها تجنن مفيهاش غلطه

راح سلامه يطمن عليهم علي اخر اليوم هو و ميدو

ليله…. بابتسامه تعب اقلع انت وهو الشوز بره بدل ما افرج عليكم الدنيا

سلامه….بضحك ده بيتي ده

ليله….بضحك و ده تعبنا يا حبيبي اقلع يلا

عسال….بضحك لولي انا قلعت

ليله….تعالي انت برجلك اليمين مش بيقولوا كده

عسال….بابتسامه تجنن بسم الله الرحمن الرحيم ماشاء الله ماشاء الله

ليله….ادخل يا عريس

زغرطت ريهام زغروطه طالعه من قلبها سلامه كان عامل زي الطفل مبتسم بسعاده متتوصفش

بصتلوا حنام بأبتسامه

حنان…ايه رأيك يا عريس

ابتسم سلامه و قرب ضم حنان و باس راسها