لقاء كارثي

فضل….هو كان حابب يعمل فرح علي طريقتنا و كان حابب ان البنات تبقي براحتها يعني محدش يضايق حد مفيش حد يبص علي حد ميحصلش اي مشكله كده يعني محمود ليه دماغ برضوا

نعيمه….هو بصراحه الفرح كان جميل بس استغربت ان رحمه كانت لابسه عادي

محمود….لا هو حابب اكتر الفرح يكون علي الطريقه البدويه الرجاله تتبسط مع بعض و الحريم مع بعض

نعيمه…..طيب وهو وهي ميتبسطوش مع بعض

فضل….المهم انهم مبسوطين الوقت يا بختهم

نعيمه….بضحك انت بتحسدهم

فضل….بابتسامه لا والله ربنا يهنيهم يارب محمود حبيبي

نعيمه…ربنا يسعدهم

فضل….اممم طيب في حاجه ضايقتك

بصتلوا نعيمه و ابتسمت

نعيمه….عايز ايه يا شيخ العرب عمال تلف و تدور علي ايه

فضل….بضحك والله ولا حاجه بطمن بس عليكي حرام

نعيمه….لا يا سيدي مش حرام واطمن كله تمام و لو بتسال كل الاسئله دي عشان تعرف لو في حاجه حصلت بيني و بين رحاب اطمن مفيش اي حاجه سلمنا و اتكلمنا وهزرنا و رقصنا والدنيا تمام اصلا متكلمناش في اي حاجه خالص

فضل…طيب المهم ان مفيش حاجه ضايقتك مش مهم اي حاجه تانيه

نعيمه….لا يا سيدي مفيش اطمن

فضل….باس مفها اصلا مفيش حد يقدر يضايقك طول ما انا جنبك

نعيمه…..و لو مش جنبي يا شيخ العرب محدش يقدر

فضل….بضحك يا وااااد يا واثق ماشي ياعم هتروحي مع البنات بكره

نعيمه….اه هروح عند سلمي انت صحيح بكره هتنزل الشغل ولا قافلين

فضل…..والله ما عارف هما قالوا بكره هيبقي اجازه بس هنشوف عمر كان بيقول نفتح

نعيمه…..طيب ابقي عرفني برضوا هتعمل ايه

فضل…ماشي يا قلبي

……………..

روحوا كلهم و انتهي اليوم كالعاده بسعاده و فرحه بعد اي تجمع ليهم

و في صباح يوم جديد كان بدأ العد التنازلي خلاص اتجمع البنات و قسموا نفسهم زي ما كانوا متفقين

نعيمه و نادين و نغم و ايمي و زوزو و امنيه و معاهم چوي راحوا علي بيت سلمي

حسان كان مستنيهم سلم عليهم ودخلهم كانوا مبسوطين اوي بالبيت كان شكلوا بجنن بس لسه طبعا مكركب و عايز يترتب و البلاستيك اللي علي اغلب الفرش لسه موجود و السجاجيد محطوطه علي جنب
و لسه مش ظاهر

عرفهم كل حاجه فين و بعدين قالهم انه هيمشي و اي وقت يحتاجوه يتصلوا عليهم هيجيلهم

كان جايبلهم عصاير واكل و نسكافيه و حجات كتير غير الحاجه اللي جابها للبيت عشان يتعاملوا براحتهم و بعدين سابهم و مشي…