لقاء كارثي
لقاء كارثي
الساعه كانت سته و ربع
قرروا يعدوا علي نادين و نعيمه ياخدوهم و يروحوا مع بعض
ليله…اربطي الحزام يا ايمي
ايمي…لا مش قادره بيخنقني
ليله….طب خلاص خليكي علي راحتك
ايمي….ماشي هكلم بس رشيد عشان اطمن عليه
ليله….عشري رايح يا خده قولتلوا انه منزلش المعرض انهارده
ايمي…هقولوا الووو ايه يا حبيبي
رشيد…ايه يا ماما عامله ايه
ايمي… الحمد لله تمام
رشيد…جيبتي حاجتك
ايمي….اه يا حبيبي جيبت طمني عليك رجلك عامله ايه ؟
رشيد…الحمد لله تمام احسن عشري جاي في الطريق و هيعدي عليا نروح سوا
ايمي…كنت لسه هقولك طيب احسن عشان متسوقش احنا هنعدي علي نادين و نوني عشان لسه قدامنا وقت و بعدين هنروح مع بعض لنغم
رشيد…..طيب تمام المهم انتي كويسه والولاد كويسين
ايمي…بابتسامه تجنن بيسلموا عليك يا بابي
رشيد…بضحكه جميله بوسيهم كتير و بوسي امهم بوسه اكبر شويه
ايمي…..لا امهم هسيبها لابوهم هبوسهم هما بس
رشيد….بس كده ماشي ابوهم هيتصرف مع امهم
ايمي….بضحكه تجنن خلي بالك من نفسك و شويه وهبقي اطمن عليك تاني
رشيد…ماشي يا حبيبي يلا باي
ايمي….باي يا قلبي
ليله كانت مبتسمه و السيجاره في ايدها وهي سامعه ايمي بتكلم رشيد
ايمي…..صوته مأريف و مضايقني اوي
ليله….تعبان يا ايمي غصب عنه
ايمي….عارفه بس هتجنن عليه بجد
ليله…..ان شاء الله يعملها و يبقي كويس
ايمي….يارب يا لولي عملتوا ايه امبارح صحيح و صلتوا العرسان
ليله…. بابتسامه اه عملوا زفه جميله كانوا مبسوطين اوي و هو يومهك كان يجنن بصراحه
ايمي….ربنا يسعدهم يارب مبقتيش لوحدك في البيت
ليله….اه خلي البيت يكون في صوت شويه انا مش بخاف بس كان هادي اوي
ايمي….بابتسامه قال يعني انتي بتقعدي اوي
ليله…لا مكنتش بقعد بصراحه يعني طول اليوم بره بس برضوا يبقي في صوت
ايمي….عقبال تقي ونسمه يجوا يقرفوكي بقي
ليله….يارب انتي هترجعي البيت امته
ايمي….بعد فرح نادين هروح علي طول تعرفي ان البيت واحشني بشكل مش طبيعي يا ليله
ليله….بابتسامه عارفه انا اول مره اصلا احس انك مش مرتاحه في شقتك
ايمي….مش حكايه مش مرتاحه بس انا اتعودت علي البيت التاني يعني الدنيا تمام و مرتاحين بس عارفه اما تحسي انك في بيت مش بتاعك و عماله تفركي و عايزه تروحي انا حاسه بنفس الاحساس ده مع اني في الاول خالص مكنتش حابه الرحاب علي فكره انا اتعودت علي مدينتي بس احساسي لما رجعت
