لقاء كارثي

وده اللي انتي لازم تعمليه مش بقولك انك تنكدي او تعترضي علي اي حاجه يقولها لمجرد انك تثبتي شخصيتك لا خالص اوقات هما بيبقي معاهم حق في حجات احنا شايفينها غلط بس في حجات اي راجل في الدنيا بيقفل دماغه عليها لمجرد انه يثبت ان كلمته مسموعه

انا ابويا لحد الوقت اوقات كده بيحب يفرض رايه علي امي علينا احنا يعني ممكن مثلا يكبر دماعه في حاجه كبيهر بس يعند في حاجه لا تذكر لمجرد ان مزاجه طالب منه يقول لا علي حاجه فاهمه بس امي لو سكتت في الصغير مش هتقدر تقف قدامه في الكبير باختصار الرجاله كلها كده يعني سليم مش حاله شاذه

نسمه….هو بصراحه من اخر مره متكلمش و صالحني و بقي تمام

تقي…..عشان لما فكر مع نفسه انما مش عشان انتي اعترضتي وهو ده اللي بقولك عليه يعني انك تنزلي مع اخوكي ابوكي تنزلي في اي وقت معاهم مش من حقه يعترض يعني تخيلي نادر واقف بره مستنيكي و سليم قالك لا مش هتنزلي موقفك هيبقي ايه ؟ هو لسه مش من حقه يتحكم فيكي و بعدين لو فرضنا انكم اتجوزتوا وقتها التحكم فيكي هيبقي الضعف يقولك مش هتروحي لامك مش هتروحي هنا مش هتروحي هنا لانه شايف انه مهما قالك هتقولي حاضر فا انتي لازم من الوقت تفرضي شخصيتك لازم تعرفيه حدوده مهما كنتي بتحبيه لازم تحطي بينك وبينه حدود في حجات مسموحه وفي حجات مرفوضه رفض تام

مع اني مع سليم في نقطه زعله منك في حوار انك مش بتقدري تردي عليه قدام ابوكي و نادر انا شايفه انه عادي ابوكي و نادر عارفيني انك مخطوبه يعني بتتكلمي مع خطيبك بتخرجي معاه بتتقابلوا كل ده طبيعي اختك بتعمل كده و الدنيا تمام واي بنت فينا بتعمل كده

نسمه….انا عارفه والله بس مش عارفه افهمكم ازاي انا بتحرج

تقي….غيري ده يا نسمه طول ما انتي مش بتعملي حاجه غلط اتعاملي عادي و بلاش تأيدي نفسك اتعاملي براحتك هو ليه حق عليكي برضوا مش عايزين نيجي عليه اوي يعني حطي نفسك مكانه كل ما تتصلي بيه وهو قدام ابوه امه اخواته الكبار ميردش هتحسي ان في حاجه غريبه مش عشان هو راجل والمفروض ميتكسفش لا هتسألي نفسك ليه مش بيرد ايه الغلط في انه يكلمني قدامهم انا خطيبته هو كمان كده شايف انه خطيبك و خطبك مخصوص عشان علاقتكم تبقي في النور فا لازم يضايق لما تقولي انك مكسوفه و مش عارفه تردي اه هو عارف طبعك بس هو راجل هيضايقك و خدي بالك مش بعيد يكون سليم اتعمد يسيبك مع امونه تقضي وقت معاها لوحدكم عشان يخليكي متتكسفيش و تتعودي علي الوضع الجديد مش بعيد عايز يوصلك ان اهو انا بتعامل عادي معاكي قدام ابويا وامي و اخواتي و الدنيا تمام فا انتي لازم تغيري من نفسك برضوا