لقاء كارثي

ليله…..يعني انا اللي غلطانه

ايمي… هو مش انتي اللي كنتي هنا يا ليله ولا انا بيتهيألي

ليله….لا انا بس انا مش فاهمه انتب مكبره الموضوع ليه بجد ماهو قالك اتحلت والست اعتذرت

ايمي…ولو مكانتش اتحلت يا ليله كان هيحصل ايه

ليله….اولا لتاني مره بقولك وطي صوتك ثانيا كان هيحصل ايه يعني تعويض كنت هديهولها انا

نعيمه……طيب ممكن تهدوا انتوا الاتنين

ايمي….هي اللي مستفزه بتقولك تعويض انتي فاكره يا غبيه اني بتكلم في فلوس افرضي الموضوع كان كبر و وصل للشرطه سببك من كل ده ياريتها تيجي علي تعويض اصلا انما مشكله زي دي هتضر سمعة المكان احنا من يوم ما فتحنا المكان ده و هو بالنسبه لأي جيست بيجي هنا امان لان اللي بيضيع منه حاجه عارف انه بيجي يلاقيها انما تقوليلي عادي و مش شايفه انك غلطانه

ليله….انا مقولتش اني مش غلطانه انا قولت متخيلتش ان الموضوع يكبر و قولت اني نسيت مركزتش

ايمي….تبقي مش بروفيشنال يا ليله وكلمه زي دي مينفعش تطلع منك لانك ادري حد بعدي بالشغل هنا حتي سلمي نفسها مبقتش تعرف اللي انتي تعرفيه و لو هنتكلم علي الفلوس و التعويضات مع انك انتي اكتر واحده عارفه ان ده اخر همي و تحت رجلك المطعم كله اصلا بس دي مش غلطتك لوحدك دي غلطتي انا كمان عشان اخر السنن لما بنيجي نتحاسب دي اول واحده بتقفلنا علي اي غلطه شاورت علي نادين

و مش بتسكت و حقها هي بتحب كل حاجه تبقي واضحه في الشغل و مش هي بس البنات كلهم حقهم يعرفوا ده راح فين و ده اتصرف في ايه

ليله…..و الغلط لو عندي يا ايمي الخساره عليا مش هقبل ان حدفيكم يدفع من جيبه تمن غلطي

ايمي….ليلللللله متعصبنيش انا بشرررررررح مش بحاسبك علي فلوس و غلط

سلمي….طيب ممكن تهدي براحه دي مش مشكله دي حاجه بسيطه خلاص

ايمي….لا مش حاجه بسيطه يا سلمي ادام ليله بداتها بعادي و استفزتني و حسستني اني بتكلم في تعويض و فلوس و هي عارفه ان ده مش قصدي يبقي تتروق

ليله…..انا اتروق يا ايمي ؟

ايمي….اه يا ليله عشان انتي مسفزه و حرقتي دمي اللي حصل ده كان ممكن يبقي سرقه من الجيشت في بعضهم او من التيم اللي شغال و وقتها مكناش هنعرف مين عملها

لو مش سرقه ممكن تبقي مصيبه خناقه حد ض*ر*ب حد حد عور حد حد ق*ت*ل حد و برضوا كانت هتبقي مصيبه و تخيلي كده معايا حصل مصيبه من دول وصلت للشرطه و لقوا ان الكاميرات بايظه انتي عارفه اكيد اللي هيحصل بعدها غير تشميع المحل انتي اول واحده هتروحي في داهيه عشان انتي اللي موجوده لو هتتعاملي ببرود في الفلوس والتعويضات اكيد مش هسمحلك تتعاملي بنفس الطريقه في حاجه تخصك و تأذيكي الكاميرات دي بتضمن حقنا احنا قبل ما بتضمن حق الجيست يعني حمايه لينا