لقاء كارثي

نجود….انا مش فارق معايا كل ده يا رضوي ولا فارق معايا انها مش عايزن ترد بالعكس انا مضايقه عشانها انتي عارفه يا رضوي اني بحب رحاب و اكيد هي نفشها فارقه معايا بس انا عايزه الموضوع يعدي عادي في النهايه احنا اهل كلنا مش عيزاها تعزل نفسها بعيد عننا ولا عيزاها تاخد جنب منك او تكون زعلانه انتوا ملكوش غير بعض

رضوي….والله يا جوجو انا ربنا اللي عالم بيا عامله ازاي من غيرها و ازاي مضايقه عشان هي مضايقه حتي عبدالله لاحظ انها مش بتيجي و مختفيه معرفتش اقولوا ايه قولتلوا مشغوله عندها شغل و كانت مسافره كام يوم كده

نجود….لا متقوليش حاجه لعبدالله خليكي علي كلامك معاه

رضوي….ايوه ما انا هعمل كده

نجود…طيب قوليلي تحبي اروحلها

رضوي….مش عارفه يا جوجو

نجود…لا لازم تعرفي انتي اكيد عارفه اختك اكتر مني و عارفه اذا كانت هتتقبل الكلام ولا هتبقي مضايقه

رضوي….لا هي اكيد هتتقبل منك الكلام انتي عارفه رحاب

نجود…خلاص انا هروحلها و هتكلم معاها و هخليها تيجي الفرح كمان

رضوي….ياريت يا جوجو والنبي

نجود….متقلقيش هتيجي ان شاء الله و هتشوف نعيمه و الدنيا هتبقي حلوه تانب متقلقيش

رضوي….يارب

نجود….تعالي يلا نشوف البنات

رضوي…..يلا

………………….

عند ليله و البنات دخلوا المكان و كالعاده كل مره يدخلوا ينبهروا من الفستانين و التصاميم الجديده

بمجرد ما دخلوا كانت ايمي اسرع من الصاروخ في اخد القرار لمحت اول ما دخلوا جوه فستان لونه بيبي بلو لفت نظرها جدا

ايمي…..بابتسامه انا هاخد الفستان ده لفرح نودي

ليله…. بابتسامه بم*و*ت في القرارات السريعه انا احيه عالقمر هيبقي تحفه عليكي

ايه….طيب مش لما تقيسيه الاول ببطنك دي

ايمي…..يا بت يا متنمره احترمي نفسك هيجي انا واثقه انا عارفه مقاسي بس هقيسه طبعاً

نعيمه…..حلو اوي و مريح و خفيف و مناسب للمكان

ايمي….عجبني اوي بجد

امنيه….الله وده حلو اوي يا ايمي ايه رايك

ايمي….فظيع جربيه

سلمي….علي فكره الاتنين دول حلوين جدا و مناسبين للحمل و مش هيبنوا بطنكم اوي

ليله….طيب يلا يلا بدايه مبشره روحوا انتوا انطلقوا و اختاروا يلا

ايمي….طيب انا عايزه اقيس ده

ليله….طيب استني لما تختاري كاه مره واحده عشان متفضليش تقيسي و تقلعي هتتعبي