لقاء كارثي

كلهم فضلوا يضحكوا

ايه….لولي انا حبيبتك اقفي معايا عايزه فستان زي بتاعك خفيف كده

ايمي….هو ايه اللي خفيف فستان ليله كان خفيف

ليله…..احيه عليا يابت انا كنت ماشيه و بتحرك بالتصوير البطئ من تقله انا عايزه اصدمك و اقولك الفستان بتاعي كان حوالي 90كيلو و يمكن اكتر لانه كان مليان استراس والقماش بتاعه نفسه كان تقيل

ايه…..نهار اسود عليا وعلي اهلي اكتر من 90 كيلو طب سلامه هيشيلني ازاي و يلف بيا

فطسوا كاهم من الضحك

ايمي…..انتي يا بت عايزه ايه مننا محدش هبتجوز غيرك مش شاغلك في الليله دي غير ثلاث حجات انك تتباسي و ان الفرح ميخاصش تسعه و الوقت ان سلامه يشيلك

نعيمه….بضحك ابمي بصي ليله بتبصلها ازاي والمصحف هم*و*ت

ليله….و رحمه امي يا نعيمه هجيبها من شعرها و افرج عليها المكان الكل واقف يختار ودي في عالم موازي اقطع دراعي ان ما كانت بتشوف الفستان بالوزن مش بالشكل بتطمن سلامه هيعرف يشيلها ولا لا

ايه……بضحك و الاه العظيم حصل انا راحه جايه اشيل الفستان لفوق اللي الاقيه تقيل اسيبه مع انه بيبقي شكله حلو

ليله….صدقتي عليا الطلاق ماحد هيجيبلي جلطه غيرها انا هروح اشوف فساتيني وهسيبك معاهمم انا ست ناقصه اني واقفه معاكي

ايه….بضحك طب خلاص والله و النبي استني

ايمي….اختاري كام واحد و ادخلي شوفيهم علي فكره في اللبس هيترفعوا معاكي

نعيمه….بت يا يويو في فساتين هنا والله خفيفه تعالي نشوفها

ايه….طيب يلا

راحوا معاها اختارت كام فستان و هما اختاروا معاها و من كل اللي اختاروه وعجبهم و اتفرجوا عليه استقرت علي تلاته و دخلت عشان تجربهم سابتها ليله بتقيس وراحت بسرعه اختارت التلاته اللي عجبوها ودخلت هي كمان تقيس

خرجت ايه بأول فستان وهي عماله تضحك و مبسوطه اوي عجبهم جدا وبعدين بدلت تانب فستان..

ليله كمان كانت بتقيس بسرعه الفستانين كانت وهم و عجبوهم اوي و بعد تعب طويل اخيراً ايه استقرت هي كمان علي فستان عجبها اوي و كان الاستايل اللي في دماغها شيك و خفيف ومريح و في نفس الوقت يجنن

خلصت ليله وغيرت هي كمان و راحت لنادين تختار معاها الفستان التاني

نادين……لولي دي فساتين قصيره

ليله….طيب وايه المشكله حلوين و مناسبين لاجواء الفرح و البحر و هتقدري تتحركي براحتك و بعدين عادي في ناس بتلبس في فرحها فساتين قصيره