لقاء كارثي

اول واحده اختارت و قاست و خلصت كانت ايمي ساعدتها ليله في الاختيار و في القياس و ظبطتلها كل حاجه و طبيعة ايمي بتعرف تختار بسرعه و من اول ما بتبص علي اي لبس بتعرف استايلها واللي هيليق عليها.

ليله…..كده في حاجه نقصاكي

ايمي….لا انا كده تمام هشوف بس امنيه

ليله…سيبك من امنيه الوقت المهم في حاجه عايزه تبدليها او حاجه حابه تشوفيها

ايمي….لا انا تمام هو في حاجه مش اوي

ليله….كلهم يجننوا ماشاء الله و عليكي احلي انا من رأيي متغيريش الفساتين شبهك

ايمي…بصت للبنت اللي كانت واقفه جنبهك خلاص تمام هاخد دول

البنت…..يعني اعمل بيهم شيك ولا استني تقرري اكتر

ايمي….لا تمام خلاص كده

البنت…طيب حضرتك تشربي ايه

ليله….ياريت تجيبلها عصير برتقال

ايمي…..طيب خليها قهوه

ليله….بصت البنت بابتسامه عصير معلش

البنت….بابتسامه تمام بعد اذنكم

ايمي…..بصت لليله ورفعت حاجبها انا اللي هشرب علي فكره مش انتي

ليله….لا انا ولا انتي ولادك يا اختي اقعدي هنا بقي وريحي و انا هشوف امنيه و اخلص معاها و ابص كده علي البنات

ايمي….طيب شوفي لنفسك معاهم انتي لسه مختارتيش حاجه

ليله….هروح اهو اشوف لو احتجتي حاجه نادي عليا

ايمي….اوك يا قلبي

سابتها ليله وراحت تشوف امنيه و تبص علي فستات لفرح محمود لفت نظرها

ليله….اختارتي حاجه يا صفرا

امنيه…..مختارتش غير بتاع نودي مش عارفه اختار حاجه في كذا فستات عاجبني بس هيبقي شكلي مسخره فيهم عشان بطني

ليله…..طيب جربيهم يمكن شكلهم يبقي حلو في اللبس مع الميكب والشعر

امنيه….معرفش حاسه انهم اصلا مش هيدخلوا في بطني

ليله….لا لو ضيقين بلاش لكن لو بتتكلمي علي شكلهم عموما جربي الاول

امنيه….طيب بصي انا الاربعه دول عاجبني

ليله….طيب ادخلي قيسي و انا هشوف معاكي هاتي بس شنطتك دي هروح اديها لايمي و ارجعلك

امنيه….اوك امسكي

نعيمه….والله تحفه يا نسمه جربيه يجنن

نسمه….حاسه انه الاستايل بتاعه مش حلو انا مليش في الطويل اوي بحب القصير

نعيمه….والله شيك اوي لو مش مقتنعه خلاص بلاش

نسمه….طب خلاص هجربه بس تقزلي بصراحه

نعيمه…..حاضر والله يلا ادخلي.

قربت ليله تاني

ليله…..امنيه اساعدك ولا عارفه تلبسي لوحدك

امنيه….لا عارفه بس اكيد مش هعرف اقفل السوسته