لقاء كارثي

سلمي….وهي شافت كل ده ؟

عصام….شافت يا افندم و اتأكدت بنفسها ان الاسوره موقعتش في المطعم و كانت موجوده في ايدها لحد ما خرجت من عندنا و لحد ماركبت عربيه صاحبتهاحتي اتصلت بصاحبتها وهي معانا و قالتلها اللي حصل و استنت صاحبتها نزلت ولاقيتها في العربيه فعلا اعتذرت كتير واتأسفت علي كل اللي حصل و بعدين مشيت طبعا الموضوع الحمد لله اتلم بسرعه و عدت علي خير عشان كده محبتش اقلقلكم الا لما الموضوع خلص انا بس كلمتكم عشان موضوع الكاميرات لازم يتحل في اسرع وقت عشان لا قدر الله يحصل موقف زي ده نبقي في امان مش اكتر

ايمي…..تمام يا عصام انا هتصرف بس بعد كده لو حصل اي موقف زي ده اتصل عليا عشان الموضوع ميكبرش

عصام…..تمام يا استاذه

ايمي….اتفضل انت

خرج عصام و بصت ايمي لليله بنظره غضب بسيطه

سلمي…الحمد لله عدت علي خير

ريهام…. بابتسامه بصراحه انا كنت مرعوبه احسن يكون في حاجه حصلت بسببي

ايمي….ياريتها حصلت بسببك يا ريهام علي الاقل كنت هلاقي مبرر للغلط وهقول لسه مش متعودن علي الشغل انما دي حصلت في وجود ليله

بصتلها ليلها و نفخت الدخان بتاع السيجاره

ليله……هو ايه اللي حصلت في وجودب انتب هالبسيني مصيبه انا كنت معاكم

ايمي….انا مش بتكلم علي انهارده يا ليله انتي ازاي تعرفي ان الكاميرات بايظه و متعرفنيش او تتصرفي انتي

ليله….بصتلهم كلهم و بصت لايمي ااا انا متخيلتش ان الموضوع كبير كده يا ايمي هو فعلا عصام قالي ان الdvr مش بيسجل بس معرفش انه محتاج صيانه متخيلتش يعني انه بابظ خالص و مقالش تاني فا فكرت انه اشتغل

ايمي…..هو ايه اللي فكرت انه اشتغل هيشتغل لوحده يا ليله و بعدين هو المفروض يفضل بطلع وينزل عليكي يقولك بدل المره الف عشان تنزلي تتاكدي بنفسك و تشوفي في ايه او حتي تهتمي و تسأليه اشتغل ولا لا

ليله…. انتي بتعلي صوتك ليه انا سمعاكي علي فكره اتكلمي براحه

ايمي….هو ايه اللي بتعلي صوتك ليه ليله انتي عارفه لو الموضوع كان كبر كان هيحصل ايه غلطه زي دي مينفعش تيجي منك اصلا

البنات كانوا عمالين يبصوا لبعض و ساكتين

ليله….قولتلك متخيلتش ان الموضوع كبير يا ايمي كنت شغاله و بشوف اللي ورايا و في اليوم ده كنت لوحدي حتي ريهام مكانتش هنا مركزتش عادي يعني

ايمي…..هو ايه اللي عادي يا ليله متبقيش مستفزه الغلط في الشغل مفيهوش عادي احنا مش جداد في الشغل ربنا ستر مع عصام والشباب و قدروا يلموا الموضوع الكاميرات اللي بره دي لو مكانتش شغاله كان زماننا الوقت قدام مشكله بسبب كلمه عادي اللي بتقوليها دي