لقاء كارثي

خديچه بقي هي و كنزي او خديچه بالاخص مش بتعرف تختار اختاري انتي يا تقي حاضر ايه رايك في ده مش حلو طب ده طيب عايزه لون تاني مفيش طب شوفي ده مش عارفه هو كده

في مره روحت اجيبلها كوتش اختارت واحد قعدا تقيسه ايه يا ديچا حلو في رجلك مش عارفه شوفي انتي قولتلها اشوف ازاي قالتلي مامي بتعرف طيب يا ديچا يعني ايه مامي بتعرف المفروض انتي اللي تحسي ضيق واسع قومي اتحركي بيه قالتلي حلو رجعنا البيت ماما لا ده ضيق طيب هي قالت حلو لا انا بقول ضيق هو كده بقي مفيش حاجه بتمشي معاهم سالكه انا بريح دماغي وبنزل طول الوقت مع نفسي اشتري لكن معاهم لازم ارجع الف مره اغير و ابدل و اللف ميت مره عشان اجيب حاجه ماما ترضي عنها

ايمي….طيب هي هتعمل ايه يا ليله مها مخها تعبان هي كمان و بعدين ايه مش هآمن علي البنات معاكي

ليله….يا ستي هي ام و بتخاف علي بناتها حقها و بعدين هي بتفضل علي طول قلقانه علي تقي تقزلك دي بنت مش هديها كمان اخواتها تتلخم.بيهم

تقي….طيب ما تقولش بقي اني رفضت اخدهم

ليله….هي مقالتش انك رفضتي تاخديهم هي بتقول برضوا انها مكانتش هتقدر تنزل

تقي…طب انا مالي بقي دي مشكلتها انا قولت لا في الاول لاني مش هعرف انا اجيبلهم بس لما ديچا عيطت صعبت عليا قولت هاخدها بس تعالي معايا قالت لا براحتهم بقي

نعيمه…..طيب بقولكم ايه اروح اجيبهم بسرعه كده لسه قدامنا وقت جويل يعني علي ما تختاروا و تقيسوا اكون جيبتهم وجيت

تقي….تروحي فين يا نعيمه طبعاً لا دي فيها ساعه ونض رايح جاي و لو الدنيا زحمه هيبقي اكتر

نعيمه….عشان ميزعلوش حرام

ليله…..مش هينفع فعلا يا نوني انا خلاص بكره هاخدهم واجيبلهم اللي هما عايزينه

تقي…..خليكي انتي يا لياه انا بكره هنزل معاهم

ليله….لا طبعا وعدتها خلاص

ايمي….بابتسامه لولي اضايقت خلاص

ليله….بصتلها جدا والله يا ايمي قفلت انتي مسمعتيش صوتها بتعيط ازاي قطعت قلبي والله

ايمي….جيب خلاص روقي ادام هتروحي معاها بكره هي هتتبسط خلاص

نعيمه….خلاص يا لولي يلا نتفرج و نختار علي الاقل بكره لما تنزلي معاهم تبقي فاضيه ليهم

ليله….تمام يلا تعالوا اختاروا انتوا كمان

ليله خدت ايمي في ايدها و راحت بيها تشوف باقي الفساتين و البنات كمان راحوا يتفرجوا اتفرقوا بس كانوا حوالين بعض فضلوا حوالي ساعتين و نص عمالين بس بيتفرجوا في المكان كله و يختاروا