لقاء كارثي

حماده….مقدرش بس بذمتك تقدري تستغني عنهم

ماريز….اه عادي

ايمي…..بصتلها بطرف عينها ام عاقه

ليله…..بضحد يا بنتي بقي اسكتي هتطين عيشتك و عيشتنا و مش هنخلص

ماريز…..انا قادره الوقت اجيبها من شعرها بس هسكت عشان خاطرك يا ليله

ليله…..بضحك قربت باستها لا حقك عليا انتي الكبيره العاقله ابوس ايدك اسكتي يا اوزعه

ايمي…..بضحك زوزو هاتي بوسه

ماريز….لا و وحياة امك لا هعملك البليله بتاعتك و انت يا سي حماده شوف مين هيعملك قهوه

حماده….بضحك اهي قلبت عليا عاجبكم كده

ايمي….بقولك ايه كله الا البليله خلاص انا اسفه اقولك هجيبلك حاجه حلوه وانا جايه

ماريز…. بابتسامه طب خلاص ماشي

ليله…. بضحك انا بقول تفكري يا ريهام عشان مسرح العرايس اللي انتي داخله عليه ده

ريهام….بضحك لا حوشي العقل اللي بيخر مني

امنيه…..بضحك معترفه

ليله……طيب نتكل علي الله بقي ولا لسه هنتمرقع اكتر

ايمي….لا انا خلصت مرقعه يلا بينا

حماده خدوا بالكم من بعض يا بنات

ايمي….خد بالك انت من المووزه يا حماده امانه في رقبتك

حماده….دي امانه في قلبي

ليله….اديييييني في الرومانسيه

ماريز….بابتسامه خدوا يا بنات امسكوا

امنيه….نهار اسود ايه ده يا زوزو؟

ليله…..ايه اللانش بوكس ده احنا رايحين حضانه ما ترحمينا ياست انتي

ماريز….يابت دول شويه فاكهه اتسلوا فيهم هتلفوا كتير بدل ما واحده فيكم تدوخ ولا تتعب

ايمي……ربنا يكسفك يا زوزو

ريهام…..بضحك هم*و*ت والله

ماريز…..يابت الحق عليا

ليله….يا ست انتي اعتقينا لوجه الله يا شيخه اخر مره شوفت اللانش بوكس ده في اول رحله خالص و الجو قلب و الدنيا خربت يا مرزقه

ماريز…..بضحك يعني هو اللانش بوكس اللي بوظ الارصاد امسكي يابت

ليله…..بطريقه مضحكه لا والمصحف ما امسك برستيچي يا ماما

فطسوا البنات من الضحك

ماريز….برستيچ مين يا ام برستيچ خلي برستيچك ده ينفعك وانتي واقعه و دايخه و مهبطه امسكي يابت

ليله…..بضحك انتي بتطولي لسانك عليا اديه يا اختي لولادك هما حوامل هينفعهم

ماريز…..انتي كمان حامل خديه معاكي و كلي منه

ليله….بضحك ايه يا دكتور ماريز اخبار السونار معاكي ايه

ايمي…..بضحك دي ست بركه خلاص بشرتك

ماريز….والله عينها باين عليها

ليله….بضحك هو ايه حوار عينها باين عليها اللي بتقوليها من ساعت ما جيت دي قلة نوم يا خبره و مجهود