لقاء كارثي

نعيمه….المهم هما يكونوا معاكي

نادين…..ايوه

نعيمه…..خير ان شاء الله و افردي وشك بقي شويه

نادين…..بابتسامه انا تمام متقلقيش

نعيمه….قلبي يا ناس احييييه انا نسيت اخرج كاندي من البوكس

نادين….لا هي بره

نعيمه…بره ايه انا مخرجتهاش

نادين….انتي هبله ماهي كانت بتفطر معانا انا خرجتها هو انتي دخلتيها تاني

نعيمه….لا بس بيتهيالي كانت في البوكس والله

نادين….لا والله كانت بره وانتي بتقفلي الباب

نعيمه….متأكده

نادين….اه والله متأكده متقلقيش

نعيمه….طيب تمام

…………….

عند نسمه و تقي كانوا راكبين العربيه و في الطريق للبنات.

تقي….عملتي ايه عند امونه يا نسمه

نسمه….بابتسامه اسكتي عشان انا كنت في نص هدومي يا تقي والله العظيم و كنت مكسوفه اوي

تقي….ليه على فكره امونه طيبه اوي

نسمه…انا عارفه انها طيبه و قعدتها حلوه جدا بس دي كانت اول مره اروحلها لوحدي و اقعد معاها من غير سليم و اتغدي معاها بصي كنت في نص هدومي و مكنتش طايقه سليم انه سابني اصلا و هو ماشي عمال يضحك و عارف اني مكسوفه بس معرفش ليه حسيت انه عايز يسيبني معاها لوحدنا

تقي….يمكن عايزك تاخدي عليها وعلي الجو معاها و كده احسن عشان الاحراج يتشال منك خالص

نسمه…..هو في الاول كنت مكسوفه اوي بصراحه بس امونه فيها ميزه حلوه جدا يعني تحسيها كده منك بتعرف بسرعه تسحبك من جو التوتر ده و تدخلك في ميت حاجه و تنسي التوتر يعني كانت بتشوف البنات و بتتابع الاكل قالتلي تعالي معايا نشوفهم بيعملوا ايه بقيت اتحرك معاها براحتي فكيت خالص قعدنا شويه جوه في المطبخ و هي عماله تتابعهم بنتكلم و بعدين دخلنا تاني علي المجلس فضلت تتكلم معايا عن فرح محمود و عن ايام زمان حتي مجابتش سيره علاقتي بسليم خالص كامت بس بتحاول تعرفني عليهم كلهم بطريقه حلوه

تقي…..هي تجنن بصراحه انتي عارفه اني كنت في الاول لما ارتبطت بعدي كنت شايله هم علاقتي بيها كنت حساها شديده و مش هننفع مع بعض لانها صعيديه

كنت خايفه بصراحه معرفش احبها او اتعامل معاها اصلا يمكن كلام ليله عنها كان مطمني شويه بس كنت لسه عند رأيي خايفه منها معرفش ليه بس بصراحه هي زي ما قالت ليله عنها بالظبط جميله و طيبه و حنينه اوي انا يوم بعد يوم بتصل عليها اسلم يعني لما بترد عليا بحس انها مبسوطه اني كلمتها بتقعد ترغي معايا و لو انا بكلمها وانا في البيت بتكلم ماما و بتقعد ترغي معاها بجد جميله اوي