لقاء كارثي
لقاء كارثي
امنيه….ليه مش قادره
ايمي…. بابتسامه بسيطه من بعد جواز ليله بفتره و انا هم*و*ت واطمن عليها و يمكن انا وليله بنتكلم مع بعض في كل حاجه واي حاجه بس مش عارفه ليه مش قادره اتكلم معاها في الموضوع ده بالذات خايفه اضايقها خايفه احط الموضوع في دماغها و تركز فيه و مع اي تأخير للحمل نفسيتها تتعب انا اكتر حد يا امنيه عارف تأثير الحمل علي الست بيبقي عامل ازاي يمكن انا حملي متأخرش بس انا عيشت فتره طويله في حوار تجميد البويضات و عانيت منه لما الفايل ضاع و كنت مرعوبه اني محملش فا انا عارفه كويس الحوار ده بيعمل قلق و توتر مش حابه اخليها تعيش فيه مع اني هم*و*ت واقولها تروح للدكتوره و في نفس الوقت بقول ليله لسه متجوزه من شهرين و نص تقريبا يعني مش وقت كبير
امنيه……علي فكره ليله قالت قبل كده انها مش حابه تحمل علي طول يعني ممكن تكون مأخره الموضوع ده بمزاجها جايز تكون بتبعد عن ايام التبويض
ايمي…..ليله متعرفش الكلام ده يا امنيه ولا ليها خبره فيه .
يعني انها تعرف تظبط العلاقه بعيد عن ايام التبويض دي معلومه محدش فينا عرفها الا من الدكاتره
امنيه…..بصراحه انا فعلا عرفتها من الدكتوره قبل الجواز لما روحت اطمن
ايمي……بالظبط ليله بقي مراحتش ولا ليها علاقه بدكاترة النسا انا مرعوبه اصلا تكون بتاخد حاجه تأخر الحمل
امنيه….طيب وهي ليه هتعمل كده
ايمي….عشان زي ما انتي لسه قايله هي كانت قايله مش عايزه احمل علي طول
امنيه…. طيب ما تتكلمي معاها بسبب النقطه دي يعني لو مش حابه تفتحي معاها موضوع الحمل عموما اتكلمي معاها كأنك بتنصحيها متعملش كده
ايمي…..انا فكرت والله اقولها كده بس كمان مظنش ليله تعمل كده هتخاف من عشري الا لو هما متفقين يأخروا الحمل كذا شهر بس الفكره انه غلط مينفعش
امنيه……برضوا اتكلمي معاها انتي اكتر حد قريب منها يعني لو فرضنا انها متفقه مع عشري عرفيها ان مانع الحمل ليه تأثير مش حلو عليها
ايمي…..هعمل كده اكيد انا بس خايفه تكون مش بتاخد و بسبب كلامي تركز في الموضوع و تضايق نفسي بجد افرح بيها اوي نفسي اشوفها حامل و شايله ولادها نفسي تجرب الاحساس ده اوي
امنيه….ان شاء الله هتجربوا و هتحمل وهنفرح بيها انتي بس اتكلمي معاها في موضوع مانع الحمل ده عشان لو بتاخد تبطل ولو فعلا هي مش حابه تحمل الوقت عرفيها تروح للدكتوره و هي تنصحها تعمل ايه يعني تحسبلها ايام التبويض بتاعتها و تعرفها انها تبعد عن العلاقه في الايام دي احسن ما تاخد اي حاجه
