لقاء كارثي
لقاء كارثي
نسمه….بتعمل معايا كده برضوا بتقعد تتكلم مع ماما كتير و بصراحه كانت بتسأل كتي رعن نعيمه قبل ما ترجع هي و فضل و قبل ما تيجي من السفر عموما و يمكن كنت خايفه اوي انها تتكلم عن حوارها هي وفضل لان فضل غالي عندها اوي كنت شايله هم انها تاخد فكره غلط عن نعيمه بصراحه بس هي معملتش كده و كانت بتقول لماما فضل بيحبها اتكلمي معاها شوفيها مالها شوفي ايه اللي مضايقها و بلاش تضغطي عليها و هي لوحدها بصراحه ست جميله اوي
تقي….انتي عارفه اني كنت قلقانه من نفس الموضوع ده بس من عدي كنت خايفه يقول اي حاجه عنها او يزعل علي زعل فضل بأي طريقه و انا مكنتش هسكتلوا بصراحه بس هو مجابش سيرتها خالص معايا
نسمه…..حتي سليم علي فكره كان بيسأل و بيطمن عليها بس لكن بصراحه كان مخرج نفسه من كل ده
تقي….كده احسن بصراحه في النهايه لا عدي و لا سليم ليهم علاقه باللي بين نعيمه وفضل بس الحمد لله انهم رجعوا تعرفي اني مشوفتش نوني لحد الوقت
نسمه….اه عارفه دي هتطلع عينك اكيد
تقي…..بضحك هو اللي هيطلع عيني بجد ليله انا مشوفتهاش من العيد
نسمه…ايه ده خالص
تقي…..خالص والله
نسمه…طب ليه كده
تقي…..عشان بنزل الجامعه و كمان مشغوله في الشغل و مشغوله بالمذاكره و هي كمان اتشغلت مع نوني لما رجعت و كانت هي والبنات بيصالحوا نعيمه وفضل و كانت مشغوله في جهاز البنات مكانش في وقت يعني
نسمه….مش بتكلميها يعني
تقي….لا بكلمها كملت بضحك بس هي بتكلمني وهي مش طيقاني يعني الكلمه علي قد الكلمه عايزه تعرفني انها زعلانه مني
نسمه….بضحك هتنفخك انهارده
تقي…..حاسه كده والله
نسمه…طب قوليلي عامله ايه مع عدي
تقي…تمام الحمد لله جننتوا شويه حلوين لحد ما اتعلمت السواقه
نسمه….بضحك بس المهم انك اتعلمتي
تقي….اه الحمد لله صحيح انا محكتلكيش علي عمو حسين
نسمه…ايه عمو حسين ده
تقي….الراجل اللي قولتلك عليه قبل كده اللي اتدبح
نسمه….ايه ده انتوا عرفتوا حاجه عنه
تقي….بابتسامه عدي عملهالي مفجأه و عرف يوصلوا وخدني عنده سلمت عليه و اطمنت
نسمه…..ايه ده بجد الله عايش و كويس يعني
تقي….اه الحمد لله راجل طيب اوي و غلبان كده هو الاحبال الصوتيه عنده اتأثرت للاسف يعني صوته مش عالي و عشان يتكلم لازم تركزي و تقربي منه بس المهم انه عايش و بصراحه بعيداً عنه هو انا مفجأه عدي ليا فرقت معايا بشكل ميتوصفش اولا انا كنت فكراه نسي لان انا نفسي نسيت مش نسيت الراجل لا نسيت اللي حصل لان كنت عارفه ان صعب نوصلوا
