لقاء كارثي
لقاء كارثي
عربيه من العربيات الحنطور مشيت جنبهم براحه نغم كانت بره و الحصان حرك ديله جامد نزل علي دراعها كأنه كرباج خلي ايدها في لحظه بقت حمراء و معلمه
ايمي…في ايه يا سلمي
سلمي….الحصان نزل بديله علي دراعها
امنيه….يانهار اسود ديل الحصان اللي عمل في ايدها كده
ايمي….حد فيكم معاه مايه بسرعه
الشاب….انا مالي هو انا اللي ض*ر*ب*تها ده الحصان
نعيمه…..هو اللي انت مالك شايف في ناس واقفه اتحرك بعيد ده انت ناقص تطلع علي الرصيف جنبنا
الشاب…..انتوا اللي واقفين نحت ما تطلعوا علي الرصيف
ليله…..طب اتكل علي الله عشان متزعلش متبقاش غلطان و بجح
اتلم مجموعه من الناس تفرق بينهم و كان في في الاشاره ظابط قرب منهم بسرعه وطبعا الشاب خاف
الشاب…..يا باشا انا معملتش حاجه انا هتحاسب عشان الحصان بيحرك ديله
ليله….احنا واقفين قدام العربيات بتاعتنا و انت ماشي بالعربيه بتاعتك جنبنا و المفروض تبعد عن الناس مش تمشي جنبهم
الشاب…..انا ماشي في الشارع مش علي عربياتكم
الظابط….بس يلااااااا
الشاب….اللي تشوفوا يا باشا بس هما اللي غلطوا وبعدين هما كتير اوي
تقي….اعوذ بالله ما تقول ماشاء الله
ليله….وانت بجح و مش محترم
الشاب….سامع يا باشا
الظابط….قولتلك اسكتتتتتت ويلا انكل علي الله بدل ما اسحب منك العربيه بالحصان
الشاب….تمام يا باشا
ركب بسرعه وجري من قدامهم
الظابط….هي كويسه
ليله….لا مش كويسه ايدها باظت و علمت خالص
الظابط….طيب معلش معلش حصل خير بسيطه ان شاء الله هبعتلكم مايه تحطوها علي ايدها
نعيمه…..لا خلاص معانا شكرا
الظابط…..طيب محتاجين اي مساعده
ليله….شكرا
الظابط…..يلا يا جماعه بلاش زحمه هنا
الناس اتحركت واللي كان معاه مايه اداهم
نغم كانت عماله تعيط و ايدها وجعاها اوي و ايمي وخداها في حضنها
ايمي….بس يا قلبي خلاص الوقت والله هتهدأ
ليله….وريني دراعها يا ايمي
ايمي….احمر خالص دي كانها خدت كرباج يا قلبي
ليله…..خلاص يا نغم معلش بتوجعك
نغم….بدموع ايوه
تقي…..طيب في صيدليه اروح اجيبلها اي كريم و لا مفيش كريمات للحجات دي
سلمي….بيتهيألي ممكن كريم مرطب او حاجه زي كده
ليله…..لا مش مرطب يا سلمي دي عايزه حاجه فيها تخدير شويه تهدي الوجع هو ده دم ولا حمار ولا ايه بالظبط
