لقاء كارثي
لقاء كارثي
فضل…. بابتسامه يارب
نعيمه…بابتسامه ربنا معاك
فضل….نفخ الدخان سمعت انك خاربه الدنيا في المطبخ كنت قربت اصدق بس رجعت في كلامي لما شوفت الكركبه اللي حصلت عشان فنجان قهوه
ضحكت نعيمه ضحكه هاديه و بصت بعيد عنه
فضل…..بابتسامه ايه بكدب وقعت اكتر من ست سبه فناجين و كوبايات و بهدلتي الدنيا و اتعورتي واتحرقتي
فضلت تضحك بهدوء و بعدين بصتلوا
نعيمه….علي فكره انا بقيت اعرف اعمل اكل و حجات كتير اوي بس يعني الصنيه هي اللي وقعت الحاجه
فضل…. بابتسامه ماشي هصدق او هعمل مصدق قوليلي بقي عرفتي تعملي ايه
نعيمه…. بابتسامه كسوف لاول مره تحصل ااا عادي يعني حجات كتير عملت اول مره خالص محشي
فضل….رفع حاجبه بدهشه وابتسم محشي مره واحده
نعيمه…بضحكه هاديه اه عادي يعني طلع سهل و عملت حجات كتير اوي و طلعوا حلوين كمان
فضل….و ايه بقي سبب التغيير ده
نعيمه…مش تغيير عادي يعني من اول ما روحت لحد اول يوم رمضان وانا كل الاكل من الشارع زهقت و قرفت جدا و بس اول يوم رمضان عندي كان الوقفه عندكم فا عرفت ان ماما و نسمه هيعملوا محشي بقي وحجات كتير زي ما هما متعودين
فا قولتلهم هعمل زيكم تاني يوم و فعلا نزلت اشتريت الحاجه بعد الفطار و عملت معاهم زي ما ماما قالتلي بالظبط و بصراحه نسمه كمان شاطره و علمتني
ابتسم فضل بهدوء و فضل باصص عليها
نعيمه…بس لما طلع حلو اتحمست بقي و قررت اكل من ايدي احسن و اي اكله كانوا بيعملوها كنت بقلدهم و انزل اشتري زيهم بس الموضوع طلع حلو
فضل….كويس بس يعني مينفعش تبقي الحكم علي نفسك
نعيمه…بابتسامه عادي ابقي احكم انت هعزمك في مره ووو شوف
فضل….ماشي بس انا مش بجامل علي فكره
نعيمه….بابتسامه تمام متجاملش قول الصراحه و عادي انا لسه بتعلم
فضل…حلو هنشوف
ابتسمت نعيمه و سكتت و سكت فضل و ولع سيجاره تانيه.
فضل…بهدوء بصلها لسه بتشربي سجاير
بصتلوا و هزت راسها بسرعه بلا
نعيمه….لا مش بشرب و انا اخر مره اتقابلت انا وانت قولتلك اني مش بشرب و مش بحبها و مش هعمل كده تاني
فضل….خد نفس طويل و بصلها بهدوء و نظره فيها وجع كبير احكيلي يا نعيمه يلا
نعيمه…بصتلوا و اتوترت اا احكيلك ايه؟
فضل….اللي عندك يا نعيمه كل حاجه عايز اسمعك عايز افهم.
بس قبل كل ده لو انتي شايفه اني بقيت بره حياتك و ده قرارك متحكيش لان مش هيبقي ليه لزوم يعني لو قرارك ده جاي من جواكي متببرريش انتي مش مجبره وانا هحترم قرارك بس اللي انا شايفه في عينك غير كده ولا انا غلطان
