لقاء كارثي

فضل كان ثابت ضامم راسها بقوه و كفه التاني بيحركوا بهدوء علي ضهرها يمكن طالت وقفتهم و طال حضنهم لبعض بس مكانوش مركزين مع الوقت .

انهيار نعيمه بدأ قوي و بقي يهدأ بالتدريج لحد ما اختفي صوت عيطاها ونفسها و توترها و رعشتها و دقات قلبها كلهم هديوا في حضن فضل حرك ايده علي شعرها بهدوء

فضل….أحسن؟

خدت نفس عميق و طويل و بعدين خرجته بهدوء في رقبته تنهيده قويه ردت بيها علي فضل.

فضل….قرب شفايفه من راسها باسها بوسه طويل بس هاديه وبعدين بعد و كمل بهمس ونبره صوت وحشتها روحي اغسلي وشك و انا هشيل اللي اتكسر ده و هجيلك

فكت ايدها بهدوء و نزلتهم و بعدت عنه ببطئ فظيع و هي مش بصاله

نعيمه…بهمس وصوت باين انها كانت مفحومه من العياط انا هشيلوا

فضل…..اسمعي الكلام يلا روحي وريني ايدك الاول

مسك كفها كان غرقان دم بصت علي هدومه لما بعدت شويه و بصتها خليته بص علي نفسه

فضل…ابتسم ابتسامه حزينه بوظتي السويت شيرت

ابتسمت نعيمه من بين دموعها و لمحت في رقبته دم رفعت كفها علي رقبتها وشاورت بعينها علي رقبته

نعيمه….مش السويت شيرت بس ااااا رقبتك كمان

فضل….بهدوء اتنهد و ابتسم ابتسامه هاديه ولا يهمك روحي يلا اغسلي وشك و لفي حاجه علي ايدك و انا هجيلك الوقت

هظت راسها بهدوء واتحركت كام خطوه

فضل….خلي بالك من الارض

مشيت بهدوء وراحت علي اوضتها
غمض فضل عينه بقوه و مسك الرخامه بايده الاتنين و مال بجسمه علي قدام و فضل يحرك جسمه و يخرج نفسه بقوه و بعدين بعد مره واحده و رجع يشيل التكسير اللي في الارض لم كل حاجه علي المنديل و رماه في الباسكت و بعدين قام مسح القهوه من الرخامه والارض ومسح الدم وثواني كان مرجع المطبخ زي ما كان غسل الكنكه و حط فيها بن تاني و حطها علي النار يعمل قهوه تاني طلع علبة السجاير من جيبه ولع سيجاره و سند علي الرخامه و فضل واقف سرحان وهو باصص علي القهوه شويه يبتسم و شويه يرجع تاني يحزن شويه يحرك راسه شمال و يمين برفض شويه يبتسم تاني قرب من الحوض فضل يمسح رقبته بالمايه و بعدين نشف بمنديل قرب حط القهوه في الفنجان و خرج علي بره قعد مكانه كان مقرب بجسمه لقدام ايد فيها السيجاره و الايد التانيه بيخبط بصباعه براحه علي التربيزه.

ثواني و خرجت نعيمه من اوضتها بهدوء كانت قالعه الچاكت بتاع الترنج عشان اتبهدل دم و لابسه من تحت التيشرت النص كم بتاع الترنج و معاها سويت شيرت تاني في ايدها