لقاء كارثي

نعيمه….بصتلوا بتأثر سكتت و بعدين بصت علي كفها نزلت دموعها تاني بسرعه و رجعت بصتلوا فضل انت عارف اني بحبك و مليش غيرك

فضل ابتسم بابتسامه وجع و رفع وشه للسقف و نفخ الدخان و حس انه ارتاح راحه كبيره لما سمع اعترافها كانه بيسمعه لاول مره

نعيمه….بدموع انت اكتر حد عارفني و المفروض متشكش لحظه في حبي ليك مهما غلطت معاك انت عارف اني لا حبيت ولا هحب غيرك

بصلها بسرعه و بنبره غضب بسيطه

فضل…امال عملتي فيا كده ليييييه
كسرتيني ليه كسرتي كرامتي قدام الكل ليه يا نعيمه هزيتي ثقتي في نفسي ليه و ليه خلتيني اقف تايهه مش فاهم و لا عارف اي حاجه ازاي بتحبيني وانتي قادره تبعدي عني افهمها ازاي عملت ايه معاكي يخليكي تعملي فيا كده انا حطيت قلبي في ايدك يا نعيمه و ايدك دي اللي كسرتني خليتيني اشوف نظره في عين الكل ملهاش تفسير اللي باصصلي بنظره شفقه و صعبان عليه حالي و موقفي اللي زي الزززززفت و اللي باصصلي بنظره اتهام كأنه بيقولي عملتلها ايييييه وصلتها للحاله دي ازاي ده غير موقفي انا بقي قدام نفسي سالت نفسي الف ليه خلتيني بقيت اراجع كل حاجه حصلت بينا من يوم ما عرفتك لحد ما مشيتي و اسال نفسي يمكن الموقف ده زعلها يمكن الموقف ده خوفها يمكن الموقف ده خلاها تحس انك مش مناسب يمكن الموقف ده خلاها تحس ان هي تستاهل حد احسن بس لا قلبي ولا عقلي كانوا مقتنعين بكل الاسئله دي لان تغييرك كان مفاجئ و سريع يعني مستحيل السبب يكون حاجه من اللي فكرت فيها

نعيمه….بدموع انا اسفه

فضل…..اسفه !! علي ايه يا نعيمه علي انك سافرتي من غير ما اعرف انك واخده قرار زي ده و لا اسفه علي اني كنت فاكر نفسي قريب و طلعت اغرب واحد عندك في نظرك و نظري و نظر الكل و انا واقف بعرف كل حاجه زيي زي الغريب

ولا اسفه علي الموقف اللي مستحيل اقدر اتخطاه و انا واقف زي الحماااااار بحاول اقنع نفسي بكلام نادين انك بعتالي حاجه فعلا لبيتنا

مع اني مكنتش مصدق و قلبي مكانش مرتاح كنت بفتح البوكس وانا قلبي بيدق بشكل غريب لدرجه اني استغربت نفسي كأني بفتح قنبله و هي حقيقي كانت قنبله يا نعيمه وانفجرت في وشي اسفه علي ايه يا نعيمه علي الموقف اللي كنت فيه و انا عامل زي العيل الصغير باصص لنادين و عسال و فاتح الشنطه فيها دهبك و رساله منك و ببصلهم عشان يفهموني ايه ده !!