لقاء كارثي

عايز اجرب يا نعيمه نفس التجربه اللي انتي جربتيها و اشوف انا قادر علي بعدك ولا مش قادر خطوه جوازنا هنستني عليها فتره لان الجواز مش لعبه و احنا عندنا في عرفنا ان الجواز عقد وعهد و الست اللي بتدخل حياتنا بتبقي الاولي و الاخيره احنا زي المسيحين يا نعيمه مبنطلقش وبنتمسك بالست بس انا مبقتش عارف الست اللي كنت مستعد اتمسك بيها دي هتفضل متمسكه بيا ولا هتغدر و تمشي و تزعل و تهد و تسحب الامان و تعيشيني علي كف عفريت سرطي الوحيد عشان ندي لعلاقتنا فرصه

اننا نبدأ من جديد و من الصفر لو موافقه انا موافق لو مش موافقه مقدرش اجبرك علي حاجه لو شايفه انك تقدري ترجعي الثقه والامان كملي الحب موجود بس الثقه لا يا نعيمه و انا عايز قبل ما ارجعلك ثقتي فيكي تبقي راجعه قبلك
القرار الوقت عندي

سكتت نعيمه و هي دموعها نازله غمضت عينها بوجع و بصتلوا

نعيمه…..بس انا مش فاهمه يعني ايه نبدأ من الصفر

فضل….يعني نبدأ من الصفر علاقه لا فيها دبل ولا خواتم ولا حتي كلام عن الجواز فيها مواقف افعال في تغيير واضح منك ومني فيها حجات كتير اوي اعتبري اننا بنتعرف من جديد علي طباع بعض علي حياة بعض كل واحد فينا يقول للتاني ايه المسموح وايه الممنوع زي ما عملنا في البدايه اللي اكتشفته يا نعيمه ان واضح اننا مخدناش وقتنا نفهم بعض نحب بعض نعيش مواقف كفايه مع بعض و بيتهيألي دي مش حاجه تزعلك بالعكس دي حاجه حلوه لينا احنا الاتنين ناخد وقتنا قولتي ايه…

مسحت نعيمه دموعها و خدت نفس طويل وبصتلوا وهي بتهز راسها بهدوء و حزن

نعيمه….موافقه يا فضل

بصلها و بصته كان فيها صدمه وفرحه كان خايف ترفض بس قبولها خلاه اتأكد ان نعيمه بجد بتحبه..

فضل….بهدوء تمام و انا موافق قام وقف وبصلها انا همشي حمد الله علي السلامه مبسوط اني اطمنت عليكي و شوفتك بخير

نعيمه…قامت وققت وابتسمت بحزن شكرا الله يسلمك

فضل…..محتاجه اي حاجه مني

نعيمه….بدموع هزت راسها لا سلامتك

بصلها بتأثر مش عارف يمشي ولا ياخدها في حضنه و لا يعمل ايه

نعيمه….فضل ممكن سؤال بس قبل ما تمشي

فضل….هز راسه اكيد

نعيمه…..قرارك و شرطك ده عشان بجد ترجع ثقتك فيا و لا ليه علاقه برحاب ؟

فضل بصلها بصدمه

نعيمه….بدموع انت قولت اني رجعت بعد ما اتعودت علي بعدي قولي بقي رحاب خدت جزء من حقي فيك يا فضل و انت بتحاول تشوف هتكمل مع مين..